Zugaztieta: mehatze-auzunetik, aisialdi gunera
Egun aisialdirako berdegune ederra den auzunea, antzina gune meatzaria zen, ezaguna bertatik ateratzen zen burdin mea Sestaoko Labe Garaietara eramaten zelako.
Garai bateko herri meatzaria Trianoko mendietan barrena zabaltzen da, Trapagaraneko haranaren goiko aldean, Bilbotik 20 kilometro eskasera. Bertara iristeko aukerarik onena Larreinetako funikularra hartzea da. Bertatik gainera, Bilboko Abrako haranak eskaintzen dituen ikuspegi ederrez gozatu ahal izango duzu.
Zugaztietan (La Arboleda gaztelaniaz) antzina meatzeak zirenak, egun berdegunez inguratuta dauden urtegi tradizionalak dira, paregabeak ingurumen jarduera anitzetarako: arrantza, mendi-ibiliak, MTB, mendizaletasuna edo zaldiketa. Ez pentsatu gehiago eta Zugaztieta bisitatu.
Natura bete-betean
Kobazuloak, mendiak eta magiaz beteriko haranak
Ingurugiroaz gozatzearekin batera zonaldearen iragan industriala ezagutu nahi baduzu, Zugaztietatik ordu eta erdira Ekoetxea Meatzaldea-Peñas Negras Interpretazio Zentrora joan zaitezke.
Bai Larreinetako funikularraren bidez, baita kotxez ere, Zugaztietara familiarekin zein lagunekin egun pasa joatea plan bikaina da. Hainbat jolas eremu daude: futbol zelaia, frontoia, aterpea eta Ekoetxea Meatzaldea-Peñas Negras Interpretazio Zentroa. Azken honetan, eskuragarri dituzu zonaldearen iragan industriala ezagutzeko ibilbideak, zeinetan ingurugiroan murgildu ahala, meatzeen aztarnak ikusi ditzakezun.
Ingurumeneko jardueretan ardazten den zentro horretan gainera, Zugaztieta iraganean izandakoaren arrastoak oraindik ere nabari dira. Horien artean, nabarmentzekoa da antzina meatzea zen Los Carmenes izeneko putzua, zeinetan meategitik ateratzen ziren lur azpiko uren bidez forma eta erliebe bereizgarriak marraztu ziren: harrizko orratzak eta harkaitz handien herdoiltzeen eraginez sortutako kolore-sorta.
Bestalde, lurzoruaren ustiatzearen ondorioz, lurra elkorra da, belardi eta sasi landaretza narriatuekin. Hala ere, putzuaren inguruko erriberaren landaretza berezkoaz gain, zuhaixka eta zuhaitz autoktonoen espezie ezberdinak landatu dira.
Halaber, golfa gustuko baduzu, eguna Severiano Ballesteros golfista ezagunak diseinatutako Meazte Golfean borobildu dezakezu. Zugaztietan dago, eta 6 kilometroko zelai honek 18 zulo eta 72 pare ditu, Pitch & Putt motako 9 zuloko beste zelai batez gain.
Ibilbideak
Muskiz inguruan gure iragan industrialaren aztarnak dituen auzune enblematikoena da Zugaztieta. 1877an sortua, bere burdinezko izaera mantentzen du, langileen egurrezko etxeetan, meatzari sindikatuetan eta hornidura dendetan islatzen dena.
Zugaztietan murgildu bezain laster ohartuko zara mehatzari-auzunea izandako gunean zaudela
Ezin duzu inola ere galdu Zugaztietako zoketan jolas-eremuaren ondoan dagoen El Ostion izeneko urmaela. Las Carmenes putzutik gertu, Blondies meatzea dago, eta atzealdean, errepidetik hurbil, Parkotxa urmaela.
Azken hau, burdin garbitegia zen, baina egun arrantza eskola gisa erabiltzen den putzua da. Ibilbide honen iraupena ordubete ingurukoa da. Pikwik mehatzea zegoen tokian, lasaitasunera deitzen duten pinu bazkalekuak daude. Eta haizearen babesean, arrailen arteko mahai eta eserlekuak, piknikak egiteko paregabeak direnak.
Gomendagarriena, ibilbidea jolas-eremutik hastea da, Zugaztietatik hilerrira igotzen den errepide maldatsutik igarota. Kanposantura ailegatu baino lehen, eskumarantz doan pista hartu eta jarraitu Oiola sakaneko mendi-hegal makurretik. Behin hara iriitsita, egurrezko hesiz inguratuta aurkituko duzu, Pikwik mehatzeraino doan bidexka. Bertan, burdin mearen arrastoak hormen arrailetan ikusi ahal izango dituzu. Kontuan izan bidetik behi eta zaldiekin topo egin dezakezula.
Nola heldu
Zugaztietara heltzea oso erraza da. Trapagaranera hurbiltzea baino ez duzu (Bilbotik 13 kilometrora) eta bertatik bai garraio publikoa edo pribatua hartu ahako dituzu. Hala ere, aukerarik onena gunera funikular bidez igotzea da: erosoa izateaz gain, eskaintzen dituen ikuspegi ederrengatik merezi duena.
-
Trena
Renfe Aldiriak sarearen C2 linea hartu eta Urioste geltokian jaitsi. Bertatik, 20 minutuz oinez eginez, La Escontrilla geltokira heldu zaitezke. Zugaztietara igotzen den funikularra hortxe hartu ahal duzu.
-
Autobusa
Bizkibusen A3141 Gurutzeta-Bagatza-Trapagaraneko funikularra lineak eta A3332 Trapagaran-Santurtzi lineak geltokia dute funikularretik gertu.
-
Autoa
Bilbotik A8 errepidea hartu Santander noranzkoan. Ondoren, 127B irteera hartu. Behin autopistatik irtenda, lehenengo biribilgunean lehenengo irteera hartu eta BI-3739tik jarraitu BI-3755ra heldu arte. Gero, Funikular kaletik La Escontrilla geltokiraino jarraitu eta bertan funikularra hartu dezakezu. Ordea, Zugaztietaraino autoz ailegatu nahi izanez gero, behin Trapagaranera helduta, Udaletxearen eta elizaren arteko bidegurutzean BI-634 errepide zaharretik irten. Bertatik, errepide bihurgunetsua izango duzu Larreinetara heldu arte. Gero, ezker aldean, Zugaztietako jolas-eremuaren sarrera aurkituko duzu.
Gastronomia
Non jan
Herrian jatetxe ugari daude. Zugaztietako gastronomia dastatu nahi izanez gero, aukerarik onena indaba platera jatea da. Gozamena izateaz gain, neguko egun latzak igarotzeko energia iturri paregabea da, eta are gehiago sakramentuak baditu: txorizoa, odolostea edota txerri saiheskia.