Top 10
BILBAO - BIZKAIA
Bizkaia lurralde paregabea da, mosaiko bat non tradizioa modernitatearekin uztartzen den eta txoko bakoitzak historia bat duen kontatzeko. Metropoli zirraragarritik hasi, Guggenheim Bilbao Museo enblematikoarekin eta Bizkaia Zubi historikoarekin, bertako herri marinel eta landa-eremuko herri txikien xarmaraino, Bizkaiak zure zentzumen guztiak liluratuko dituela bermatuta dago. Hemen, itsasoak eta mendiak eskua ematen diote elkarri.
Kostaldean, Flysch Bizkaiako itsaslabar ikusgarriek, Gaztelugatxeko magiak, Urdaibaiko Biosfera Erreserbaren lasaitasunak eta Santa Katalina itsasargiaren argiak txundituta utziko zaituzte. Horrez gain, Bizkaiko barnealde berdeak altxor naturalak oparitzen dizkigu, hala nola Pozalaguako haitzuloa, Nerbioiko jauzia eta Gorbeia eta Urkiolako Parke Natural bikainak, ezin hobeak beren handitasunean galtzeko.
Urdaibai
UNESCOk Biosferaren Erreserba izendatu zuen Urdaibai 1984an eta Bizkaiko naturagune garrantzitsuenetako bat da. Bere aberastasun naturalari esker, hegaztiak ikusteko, uretako jarduerak egiteko edo itsasontziz paseatzeko gune paregabea da, baita mendian zein zikloturismoan ibiltzeko ere. Bertan daude, batetik, Urdaibaiko Ekoetxea, hau da, Euskadiko Biodibertsitatearen zentroa, Busturiako Madariaga Dorrean kokatuta eta, bestetik, Urdaibai Bird Center, Gautegiz Arteagan, naturaren museo bizia, hegaztien eta haien migrazioen mundua ezagutzeko eta gozatzeko.
Kokapena
Datu orokorrak eta/edo berezitasunak
- UNESCOk Biosferaren Erreserba izendatuta (BIZKAIKO/EUSKADIKO BISOFERAREN ERRESERBA, LEHENENGOA ETA BAKARRA)
- Turismo Jasangarriaren Europako Karta dauka (CETS BIDEZ ZIRUTATUTAKO BIZKAIKO/EUSKADIKO ESPAZIO NATURAL BAKARRA)
- Inguruneak ondare historiko eta natural aberatsa du
Irisgarritasunari buruzko informazioa
A Good Idea
Urdaibaik kokapen pribilegiatua du, xarma eta historia duten herri txikiz inguratuta baitago, horien artean Gernika, Euskal Herrian, bakearen ikur ezagunenak ditu: bere arbola eta Batzar Etxea, baita Jai Alai frontoia (zesta puntaren muina) eta astelehenetako azoka ospetsua ere. Omako Baso margotua bezain leku berezi eta ederrek ere inguratzen dute, baita hondartza, padura, mendi, uharte eta begiratoki harrigarriek ere. Museoei dagokienez, Arrantzalearen Museoa, Euskal Herriko Museoa edota Bakearen Museoa daude.
Bazenekien?
Mundakan sortzen dela Europa osoko ezkerreko olaturik onena eta surfaren zale direnentzako altxorra dela? Edo inguru horretan txakolinaz gozatzeko eskaintza enoturistikoa dagoela?
Informazio gehiago
Nerbioi ibaiaren jauzia
Nerbioi ibaiaren jauzia Euskal Autonomia Erkidegoaren eta Gaztela eta Leongo Juntaren arteko ingurune naturalean kokatuta dago, Urduñatik oso gertu (monumentu multzo historiko gisa katalogatua dagoen Bizkaiko hiri bakarra). Jauzia Delikako arroilaren gainean dagoen begiratokitik ikus daiteke, panoramika ikusgarria eskaintzen du, batez ere euri denboraldian, ibaiak emaririk handiena duenean. Hara joateko Urduñako portutik Santiago mendira joan behar da, bertan hasten baita seinaleztatutako ibilbidea.
Kokapena
Datu orokorrak eta/edo berezitasunak
- 270 metroko altuera du.
- Iberiar Penintsulako ur jauzirik altuena da.
Irisgarritasunari buruzko informazioa
A Good Idea
Ez zaitez joan Urduña bisitatu gabe, hiri titulua duen Bizkaiko herri bakarra da. Interes handiko ondare eraikin ugari ditu, izan ere, hiria monumentu multzo historiko gisa katalogatuta dago. Gainera, jaietan inguruan bazaude, ezin dituzu galdu Otxomaio jai ospetsua.
Bazenekien?
Bizkaian badaudela axolagabe utziko ez zaituzten beste begiratoki batzuk? Artxandako Begiratokitik (hiriburu osoa ikus daiteke eta bertara funikularrez joan zaitezke) eta mendi artean ezkutatuen dauden txokoetara (bertatik basoak, eguzki sartze edo Bodovalle meategiko ilargi paisaia ikusten dira).
Informazio gehiago
Santa Katalina itsasargia
Santa Katalina itsasargia Euskadin bisita daitekeen itsasargi bakarra da. Gainera, bertan, interpretazioa zentroa dago nabigazioaren teknikak eta funtsezko oinarriak ezagutzeko eta ikasteko. Talaiaren ondoan dago, kokaleku natural batean, eta bisitariei Lekeitiotik Elantxoberainoko bidaia birtuala egiteko aukera ematen die. Bere linternak argitzen jarraitzen duenez, gaur egun, itsasargiaren zati hori ezin da bisitatu.
Kokapena
Datu orokorrak eta/edo berezitasunak
- Euskadin bisita daitekeen itsasargi bakarra da.
- Lekeitioko hiribilduan dago. Bertan bat egiten dute itsasoak, naturak eta tradizioak.
- 1862an inauguratu zen.
- Altuera 13 metrokoa da eta itsasoaren mailatik 46 metrora dago
Irisgarritasunari buruzko informazioa
A Good Idea
Itsasargia Lea Artibai eskualdean dago eta kostaldeko zein barnealdeko udalerrietan zehar aukera eskaintza amaiezina dago. Ondarroako arrantza portuan paseatu eta arrain gozoa dastatu, Zenarruzako kolegiata bisitatu, Markina-Xemeingo udalerrira hurbildu (Done Jakue Bidearen Bizkaiko sarrerako atea da eta bertako frontoiari "pilotaren unibertsitatea" deritzo) edo GR-38 ibilbidea egin daiteke. Azken hori ardoaren eta arrainaren ibilbidetzat ezagutzen da, beste jarduera askoren artean.
Bazenekien?
Bizkaian itsasargi gehiago daudela kostaren ertzetan eta bidea irekitzen dietela xarmaz eta itsas tradizio eta jaiez betetako marinelen herrixka eta hiribilduei?
Informazio gehiago
Urkiolako parke naturala
Urkiolako Parke Naturala mendiz eta haranez osatuta dago eta euskal mitologiaren epizentroa da. Urkiolako Santutegia eta Hiru Gurutzeen begiratokia ikur dira biztanleentzat zein bisitarientzat. Gainera, erromesaldirako eta erromeria tradizionalak egiten dira. Parkean animalia eta landare espezie ugari daude eta paradisua da mendi ibiliak egitea, eskalatzea eta mendira igotzea gustuko dutenentzat.
Kokapena
Datu orokorrak eta/edo berezitasunak
- Tradizio eta kondaira agertokia da
- Mendi gailurrik altuena Anboto mendia da (1.331 m)
- Parke Natural izendatu zuten 1989an
Irisgarritasunari buruzko informazioa
A Good Idea
Eremuak ondare aberatsa eta anitza du, ikus Durango hiria adibide gisa edo Elorrio udalerria. Bertan dago Argiñetako nekropolia. Aipatzekoak dira, baita ere, euskal kulturari lotutako tradizio diren neguko azokak: Abadiñoko San Blas Nekazaritza Azoka eta euskal liburu eta disko azoka (Durangoko Azoka).
Bazenekien?
Urkiolako Parke Naturalak, Armañongoak eta Gorbeiakoak, Bizkaiko parke naturalen triangelua osatzen dutela? Balio turistiko eta natural handiko guneak dira eta, Urdaibaiko Biosfera Erreserbarekin batera, Bizkaiko benetako bitxi naturalak dira.
Informazio gehiago
Gaztelugatxe
Gaztelugatxe marinel-errotze handia du eta baselizaren barruan eskaintzak, itsasontzien maketak eta itsasontzien koadroak aurki daitezke. Antzinako guduen babesleku izateaz gain, gaur egun, Biotopo Natural Babestu izendapena du. Ekainaren 24an erromesaldia egiten da bertan. Itsasoaren mailatik 150 bat metrora dagoen ermitara igotzeak merezi du, ikuspegi zoragarriak baititu.
Kokapena
Datu orokorrak eta/edo berezitasunak
- Gaztelugatxe Bermeo udalerriaren parte da.
- Irlan 241 maila daude, horietako batean, San Joanen aztarnetako bat dago.
- Baseliza behin baino gehiagotan berreraiki da.
- Egun berezietan erreserba egin behar da.
Irisgarritasunari buruzko informazioa
A Good Idea
Bermeotik gertu zaudela eta aprobetxatu bertako gastronomiaz eta itsas tradizioez gozatzeko. Kostaldean zaudenez, aprobetxatu bertako beste edozein herri bisitatzeko, hondartzetan bainatzeko edo itsas jaietako alaitasunean murgiltzeko. Natura gustuko baduzu, inguru horretan Euskadiko Biosferaren (Urdaibai) erreserba bakarra dago, Gaztelugatxe da horren mendebaldeko sarrerako atea. www.turismourdaibai.com
Bazenekien?
Gaztelugatxen Game of Thrones telesaileko eszenak grabatu zirela eta Bizkaia izan dela eta oraindik ere badela ekoizpen artistikoak egiteko eta filmatzeko eskari gehien duen agertokietako bat?
Informazio gehiago
Gorbeia
Gorbeiako Parke Naturala lurraldeko naturagune garrantzitsuenetako bat da eta, euskal mendizaletasunarentzat eta, bereziki, bizkaitarrarentzat, Gorbeiako Gurutzea da gailurrik esanguratsuena. Bizkaia osoan errotuta dagoen mendi tradizioaren ondorioz, kirol horri eta mendizaletasunari lotutako beste jarduera batzuk bereziki erakartzen ditu: Eskalada, trekkinga, multiabentura, etab. Inguru natural ikusgarria da, munduko zarataz urrundu eta landa inguruan murgiltzeko aukera ematen du, eskaintzen dituen zerbitzu guztietan egiazkotasun zigilua duen bidaia paregabea.
Kokapena
Datu orokorrak eta/edo berezitasunak
Gailurrik altuenak 1481 metro ditu eta Bizkaiko gailurrik garaiena da.
- Euskal mendizaletasunaren ikurra da.
- Parke Natural izendatu zuten 1994an.
- EAEko parkerik handiena da.
Irisgarritasunari buruzko informazioa
A Good Idea
Bertako jarduera eta ostatu eskaintza zabalari esker, ingurunearekin bizi, lo egin eta mendien artean atseden hartu ahal izango duzu, tokiko faunaz eta floraz gozatu eta bertako gastronomia anitza dastatzeaz gain. Nahiago baduzu kultura ondarea ezagutu, ez galdu parkearen inguruko herriak, museoak eta hirigune historikoak, hala nola Areatzan eta Otxandion.
Aitzitik, bizikletazalea bazara, naturgune honetan bizikletaz ibiltzera gonbidatzen zaitugu, mendiko zein errepideko bizikletan. Bi aukerak ditugu.
- https://www.gorbeiaeuskadi.com/rutas-bicicleta-gorbeia
- https://www.visitbiscay.eus/documents/1369190/20384916/cicloturismo-bizkaia-cast-2024.pdf
- https://www.gorbeiaeuskadi.com/eu
Bazenekien?
Gorbeian dagoela estatuko menhirrik altuena eta 5 metro baino gehiagoko altuera duela? Eremu georreferentziatuan mendi ibilaldiak egiteko aukera zabala dagoela eta mugikorrean deskargatu ahal duzula?
Areatzako hirigune historikoan eta Dima ibilbide mitologikoan beste ibilbide audiogidatu batzuk daudela?
Informazio gehiago
Pozalagua
Pozalaguako koba Karrantzako haranean dago, Armañongo Parke Naturalean. Lurpeko katedrala da, munduko estalaktita bitxi gehien dituen koba da. Formazio berezi horiek norabide guztietan hazten dira, nahieran, grabitateari desafio eginez eta mosaiko liluragarri bat osatuz. Koba kasualitatez aurkitu zen, inguruko harrobi batean leherketa batek mendian zulo bat ireki zuenean. Beste aldean lur azpiko unibertso liluragarri bat agertu zen. Bisita estalaktita, estalagmita eta isurketa artean egiten da eta kobaren alderik miresgarriena agerian uzten duen begiratoki batean amaitzen da. Kobaren aurrean, Armañongo Parke Naturaleko Parketxea edo Interpretazio Zentroa dago. Erakusketa iraunkorrarekin eta ikuspegi ikusgarriak dituen begiratoki baten bidez ezagutu ditzakegu bertako sekretu guztiak.
Kokapena
Datu orokorrak eta/edo berezitasunak
- Munduko estalaktita bitxi gehien dituen koba da. Formazio horiek grabitateari desafio egiten diote bere forma xelebre eta ezinezkoekin.
- Armañongo Parke Naturalean dago, mendigune karstiko handien babesean. Parkeko gailurren azpian, haitzuloen labirinto handi bat dago.
- Barruan, tenperatura 13 gradukoa da urte osoan. Gogoratu arropa egokia eramateaz. Ez ahaztu sarrera erosteaz! Online lor dezakezu hemen: www.cuevadepozalagua.eus.
- Igandetan, 11:30etan, Pozalagua ilunpetan geratzen da. Aurreko linterna batekin sartuko zara, koba aurkitu zutenek egin zuten bezala.
Irisgarritasunari buruzko informazioa
A Good Idea
Pozalagua Enkarterri-Meatzaldean dago, Bizkaiko eskualderik zabalenean. Errekorra duen kobazuloan sartzeaz gain, txoko paregabeak bisitatuko dituzu, Erdi Aroko kalexkak eta zubiak zeharkatuko dituzu eta baso amaigabeetan galduko zara. Ekialdean dagoen aldea Bizkaiko antzinako "meatzaldea" da. Bertan, industria iraultza hasi zen Euskadin, burdin meategiak ustiatuz. Paisaia aldatu arren, garai hartako oihartzunak oraindik ere entzuten dira ibilbidean. Horren erakusgarri da El Pobaleko burdinola (Muskiz), XVI. mendetik bere sugarra bizirik mantendu du.
Bazenekien?
Bizkaian badagoela gehiago Pozalaguako kobaz harago? Balio ikaragarria dute Kortezubiko Santimamiñe haitzuloak (labar pinturak daude) eta Arratiako haraneko Balzolak ere.
Informazio gehiago
Guggenheim Museoa
Guggenheim Museoa Bizkaiko hiriburu den Bilboko ikurrik nagusiena da. Arte garaikideko museoa da, Frank O. Gehry arkitekto kanadarrak diseinatu zuen eta aurreko mendeko kultur proiekturik handienetako bat da, mundu osoko museo ospetsuenetako bat bihurtu da. Esan daiteke museoa inflexio puntu izan zela hiri osoan, izan ere, ireki zenetik milaka turista hartzen ditu urtean zehar.
Kokapena
Datu orokorrak eta/edo berezitasunak
- Eraikuntza: 1992 eta 1997 bitartean/ Inaugurazioa: 1997
- Arkitektoa: Frank Gehry
- Azalera osoa: 24.000 m2 (9.000 m2: erakusketak egiteko espazioa)
- Egituran erabilitako materialak: Kareharria, beira eta, gutxi gorabehera, 33.000 titaniozko xafla.
- Obrak barruan zein kanpoan
Irisgarritasunari buruzko informazioa
- https://www.visitbiscay.eus/eu/irisgarria/guggenheim-bilbao-museoa
- https://www.guggenheim-bilbao.eus/eu/argibideak/irisgarritasuna
A Good Idea
Bilbon beste erreferente arkitektoniko handi batzuk daude, hirian zehar banatuta. Guggenheim museotik metro gutxi batzuetara, Abandoibarra etorbidean bertan, itsasadarreko ertzak zeharkatuz, Santiago Calatravaren lana aurkituko duzu: Zubi Zuri zubia. Bilbo berriaren beste ikurretako bat Azkuna Zentroa da. Zentro multikultural balioaniztuna da eta nahitaez bisitatu behar dira haren ataria eta konfigurazio berezia. Hiriaren esentzia Alde Zaharrean dago. Bertan daude zazpi kaleak, Plaza Barria eta Erriberako merkatua, bai eta Done Jakue katedrala eta milaka pintxo dastatzeko tabernak ere.
Ezin dezakegu alde batera utzi hiriak urte osoan zehar duen eskaintza kulturala eta aisialdirako eskaintza: beste museo batzuk, antzerkiak, opera, musika festibalak, hala nola Bilbao BBK Live, Bilbao Blues Festival eta Bilbao Music Legends Fest, BIME eta arte eszenikoenaz gain, baita erakusketa artistikoak eta dendak ere, besteak beste. Eskaintza gastronomikoaz (pintxoz betetako barrak, jatetxeak…) eta Athletic Club futbol taldearekiko zaletasunaz ere ezin gara ahaztu, ezta bere katedralaz ere: San Mames estadioa. Erraza da hirian eta bere kulturan murgiltzea urteko edozein unetan, Bilbao Basque Fest euskal kulturaren hitzordu nagusia da, adin eta gustu guztietarako 200 jarduera inguru antolatzen dira eta abuztuaren amaieran Aste Nagusia ospatzen da, hiriko jai nagusiak.
Hiria oinez edo bizikletan ezagutu dezakezu edo, nahiago baduzu, garraio publikoko sare itzela erabili dezakezu mugitzeko. Hiria itsasadarretik itsasontzian ikusteko aukera dago ere eta, horrela, Bilbo beste ikuspegi batetik ezagutu ahal izango duzu.
Bazenekien?
Guggenheim Museoaren barruan Michelin izarra duen Nerua jatetxea dagoela? Edota, handik gertu, Arte Ederren Museoarekin topo egin dezakezula eta, beste askoren artean, El Greco, Zurbaran, Chillida, Sorolla edo Francisco de Goyaren lanak biltzen dituen pinakotekarik garrantzitsuenetako bat dela?
Informazio gehiago
Flysch
Flyschak harkaitz formazioak dira eta harri gogorren geruzak material bigunagoko beste geruza batzuekin tartekatzen dituzte, hala nola buztinarekin. Urteak igaro ahala, interes geologiko handiko guneak eratzen dituzte eta geruzen bidez, duela milioika urte sortutako fase geologiko desberdinak interpreta ditzakete geologoek. Bizkaiko flyscha Uribe eta Getxo eskualdean kokatua dago eta aparteko paisaia edertasuna du, interes geologikoko hamasei txokoak ezagutzeko ibilbide bikaina izateaz gain.
Kokapena
Datu orokorrak eta/edo berezitasunak
- Flysch hitza alemanetik dator eta jario edo irrist egitea esan nahi du.
- Gorondatxen (Getxo) dago mundu mailan emandako urrezko iltzeetako bat, interes geologiko handiko lekua delako.
- Barrikako Muriola hondartza agertoki izan zen Game of Thrones telesailean.
Irisgarritasunari buruzko informazioa
A Good Idea
Getxoko udalerria eta Armintzako arrantza auzoa lotzen dituen itsaslabarretako ibilbide ezaguna paregabea da itsasertzeko zati hori ezagutzeko. Bertan, beste jarduera askoren artean, Algortako Portu Zaharra bisitatu eta gosegarri bat jateko aukera dago, surferako ezin hobeak diren Sopelako hondartzez gozatzeko edo Plentziako hirigune historikoan paseatzeko. https://www.flyschbizkaia.eus/es/rutas/rutas-wikiloc
Gainera, beste ibilbide asko daude inguruan eta horietan gazteluak, dorreak, txakolin mahastiak edo landa gune bitxiak ezagutu daitezke.
Bazenekien?
Itsasertz berezia osatzen duten kalak, hondartzak, itsaslabarrak eta talaiak egoteaz gain, Bizkaiko kostaldea egokia al da uretako jarduerak egiteko (surfa eta beste modalitate batzuk, esaterako, piraguismoa, kayak edo bela?
Informazio gehiago
Bizkaia zubia
Bizkaia zubia ingeniaritza lana da, burdinez egina dago eta munduko lehen zubi transbordadorea izan zen. Monumentu Historiko Artistiko izendatuta dago. UNESCOk Gizateriaren Ondare izendatu zuen 2006an eta beste sari eta aipamen batzuk ere jaso izan ditu. Lan ikaragarria Alberto de Palacio maisuari zor diogu, Ferdinand Arnodinekin batera, bi ertzak elkartzeko ametsa egi bihurtu zuen. Alde batetik, ezkerraldea dago. Bertan, minerala eta burdina etengabe lantzen ziren. Bestetik, eskuinaldea, burgesia bizi zen tokia.
Kokapena
Datu orokorrak eta/edo berezitasunak
- UNESCOk Gizadiaren Ondare izendatu zuten.
- Garai industrialeko ikurra eta ingeniaritza lan ikaragarria.
- Eiffel dorrean inspiratuta dago.
Irisgarritasunari buruzko informazioa
A Good Idea
Zubia lotzen duen edozein ertzetatik paseatu dezakezu. Aukera paregabea da Portugaleteko hirigune historikoa ezagutzeko edota burges garaian murgiltzeko, bai eta Getxo eta bere villa handiak zeharkatzeko ere. Altuerak nahiago badituzu, ideia ona da zubiaren goiko aldeko oinezkoentzako pasabidera igo eta itsasadarraren bokalea ikustea. Dena den, ez ahaztu euskal sukaldaritza dastatzeaz, taberna eta jatetxe ugari daude, bi ertzetan.
Bazenekien?
- Bizkaiko meatzaritza eta industria ondarea ezagutu dezakezula Iron Riverreko ibilbide anitzen bidez? https://www.visitbiscay.eus/eu/iron-river
- Ezkerraldeko udalerriek eskaintzen dituzten langileen ibilbideetan barrena joan zaitezkeela?
- Santurtzira hurbildu zaitezkeela portuan sardina erreak dastatzera? https://visitsanturtzi.eus/eu
