BBCard

BBCard Bilbo-Bizkaiko txartela turistiko ofiziala da. Honen bidez gure lurraldetik lasaitasun osoz bidaiatu ahal izango duzu, garraio publiko gehienetan mugarik gabeko bidaiak egiteko aukera eskaintzen baitu. Bilbao turismok alde zaharrean eta Zabalgunea-Abando Ibarran antolatutako bisita gidatuak egiteko aukera ematen dizu ere, doan. Gainera, Guggenheim eta Arte ederretako museoetan berehalako sarrera egitea ahalbidetzen dizu, inolako ilararik egin behar izan gabe.

Hiru motako txartelak eskaintzen ditu BBCardek: 24, 48 eta 72 ordukoak, 10, 15 eta 20 eurotan. Erabilera pertsonalekoak dira eta txartel mota hau onartzen duten edozein garraiotan aktibatu daiteke. Garraio hauetan aktibatzea oso garrantzitsua da, bestela isuna jasotzeko arriskua izango duzu.

Abantailak

  • Garraioa

    Momentura arte ez zegoen Bizkaitik bidaiatzeko modu hobeagorik. Txartela aktibatzean, mugarik gabeko sarrera izango duzu trenbide sareetan (Metroa, tranbia, Euskotren…), hiri eta eskualdeko autobusetan (Bilbobus eta Bizkaibus) eta kablean (Artxanda eta Reinetako funikularretan). Gogoratu behin aktibatu duzuelarik, 24, 48 eta 72 ordu dituzuela erabili ahal izateko. BBCard-a Bilboko edozein Turismo Bulegotan eskuratu dezakezu, edo hemen bertan eskatu.

  • Bisita gidatuak

    Bilbao Bizkaia Card-i esker, Bilbao Turismok antolatutako bisita gidatuak doakoak izango dira. Ibilbide bi egiteko aukera izango duzu: 7 kaleak eta Zabalgunea-Abandoibarra, hiriko zonalde esanguratsuenetarikoak. Izena emateko jo Bilbao Turismora, txartela eskuratu bezain pronto.

  • Fastpass

    Guggenheim eta Arte Ederretakoak Bizkaiko museo nagusiak dira. Nazioarteko ospea dute batak zein besteak eta Bilbora hurbiltzen diren turisten helburu bihurtu dira. Txartela honekin museo bietara sar zaitezke, ilara luzeak jasan gabe. Denbora aurreztu eta egunari etekina aterako diozu horrela.

  • Beherapenak

    BBCard txartelaren bidez beherapen eta promozio bereziak eskuratuko dituzu. Txartel honi atxikitako Denda eta Enpresen Gida ikuskatzera animatzen zaitugu. Bertan museoen, ikuskizunen, jatetxeen, denden edota aisialdiko lokalen inguruko informazioa eskura izango duzu. Horrez gain, BBCard-a eskatzeagatik Bilboko plano bat oparituko dizugu, hiriko interesgune guztiak behar bezala zehaztuta izateko.

Txartel motak

24 ordu 10 euro

Erreserbatu