Bilbo efektua

Geure hiriak kosmopolitak dira, abangoardiaren, diseinuaren eta ohituren erakusgarri

Bilbok azkenaldian bizitako eraldaketa sakonak Europako hiri kosmopolita, irekia eta berritzailea izatera eraman du.

Bere arkitektura horren adierazgarri garbia daukagu. Betiko eredu klasikoak, esaterako, Kale Nagusian den Bizkaiko Foru Aldundiko eraikina edota Arriaga Antzokiaren parean den Concordia tren geltokia, bat datoz diseinu abangoardistenekin: Frank Gehryren Guggenheim Museoa, Cesar Azkarateren San Mames estadio berria, Rafael Moneoren Deusto Unibertsitateko liburutegia edota Philippe Starcken Azkuna Zentroa, besteak beste. Hirian sormena arnastu daiteke, Bilbao Art District gisako ekimen parte-hartzaileak abiatuz.

Horrez gain, Bilboko Itsasadarra jarraituz, Portugaletako Bizkaia Zubia miretsiko duzu; eta Eskuinaldean, berriz, Getxoko Portu Zaharra nahiz jauregi eta eraikin zoragarriak bisitatzea gomendagarria da oso.