Bizkaiko Zubia, Bilboko ataria
Bizkaiko Zubia ezker eta eskuinaldea batzen dituen garaipen arkua duzu, Industria Iraultzako ondare ikusgarria
Nerbioiko ura Kantaurira itsasoratu baino lehen, Bizkaiko zubi azpitik igarotzen da, eraikuntzak agur esango balio bezala. Eraiki zenetik milaka itsaontzi pasa dira 61 metroko altuera duen zubiaren azpitik.
Burdinezko egitura erraldoi honek Portugalete eta Getxo konektatzen ditu goiko aldeko errailetatik eskegitzen den transbordadore baten bidez. Urtero sei milioi pertsonek erabiltzen dute.
Munduan zehar horrelako gutxi topa daitezke, bakoitza bere berezitasunekin. Gurea, 1893. urtekoa, Industria Iraultzako burdinezko sinboloa dugu, itsasontziek, trenek, estaldura erraldoiek eta Eiffel dorrea bezalako eraikuntzek erabili zuten beretsua. 2006an, UNESCOk Gizadiaren Ondare izendatu zuen gure ibaiko zubi famatuena.
Gaur egun, ibilgailuak eta pertsonak garraiatzeaz gain, igogailuak ezarri dira ibai-ertze bietako pilareetan, eta nahi duenak Ibaizabala oinez zeharkatu dezake habeetatik zehar.
Bizkaian zure lehen aldia bada, oso gomendagarria da ikuspegia sekulakoa da: iparraldean Ibaizabalen bokalea eta Kantauri itsasoa ikusiko duzu. Hegoaldean, ibaiaren ibilbidea, Bilbora heldu arte.
Bilbo efektua
Geure hiriak kosmopolitak dira, abangoardiaren, diseinuaren eta ohituren erakusgarri
Burdinezko egiturako munduko lehen zubi esekia izan zen, 1893ko uztailaren 28an inauguratua
Maria Cristina erreginaren urteak ziren, Alfonso XIII.aren ama. Garai hartan, ezkerralde eta eskumaldeak batu nahi ziren, ibaiko nabigazio trafikoa oztopatu barik. Bizkaiko Zubia eraiki baino lehen, 500.000 bidaiari baino gehiagok Ibaizabala arraunen bidezko txalupetan zeharkatzen zuten. Orduan, iniziatiba pribatu baten bitartez, Alberto Palacios Elissagueren diseinua, Ferdinand Joseph Arnodin ingeniariaren eta Santos López de Letona enpresariaren lanari esker eraiki zen Bizkaiko Zubia. Burdinezko egiturako munduko lehen zubi esekia izan zen, eta 1893ko uztailaren 28an inauguratu zenean Portugalete eta Getxoko komunikazioa erraztu zuen.
Transbordadorea ideia aparta izan zen: bidaiariak zein zamak eraman daitezke, ez du Ibaizabaleko nabigazio-trafikoa oztopatzen eta eraikuntzak arrazoizko kostua izan zuen, eta gainera zerbitzu erregularra eskaintzen dio erabiltzaileari, urteko 365eko egunetako 24 orduetako zerbitzua eskainiz. Zenbait proposamen kontuan izan ostean, habe horizontal bitan ezarritako eraikuntza erabiltzea erabaki zen. Bertan, transbordadorearen errailak ezartzen dira, eta eraikuntza osoa ibai-ertze bakoitzean kokatutako lau pilaretan finkatzen da, transbordadorea habeko errailetatik botatako kable batzuetatik eskegiz. Habeetako plataformak 36 gurpil eta 25 metroko luzeera du.
Berrikuntza teknologiko biren nahasketa egiten du Bizkaiko zubiak: kableen bidez eskegitako zubiena alde batetik, eta lurrinezko makinen bidez bultzatutako ibilgailu mekaniko erraldoiena.
Urrezko burdin-aroa
XIX. mende bukaeran, Bilboko Itsasadarra urrezko garaia bizitzen ari zen, jarduera ekonomiko aberatsekoa. Bizkaiko minetan 25 kilometroko zaina exportatu zen. Mineral horren exportazioari ezker, ontzi-enpresen elkarteak, siderurgia-enpresak, bankuak... sortu ziren. Industria iraultzako asmakizuna izan zen Bizkaiko Zubia, burdina XIX. mendeko bigarren erdiko sinbolo nagusia izanik, eta industria-zibilizazioko garaipen arkua izan zen.
Ibilbideak
Gure kostaldeak badauka Pobeñatik Getxoraino errepidean zehar egiten duen ibilbide turistiko bat. Pobeñatik hasita, Area hondartzako dunek edertasuna gehitzen diote Zierbenako kostaldeko paisaiari. Bertan ere Itsaslurreko bide berdea egin ahal izango duzu, bi orduko ibilbidea. Zierbenara hurbiltzen bagara, portuko usainak bertako tabernetara eramango zaitu eta ondoren Bilboko Portuko zati handi bat ikusi ahal izango duzu itsasertzeko paseotik ibilalditxoa egiten baduzu.
Santurtzin auzo usaina eta herri kutsua bizi da bertako kale maldatsuetan, asteburuetan batez ere
N-630tik Santurtzira eta Portugaletera helduko gara. Maldan behera, Ibaizabaleko ur korrontetsuekin topatuko zara. Bizkaiko Zubiko transbodadorera igo eta eskuinaldera igaroko gara minutu batean besterik ez.
Getxon auzo itxurako kaleak bukatu dira eta bizitegi-auzo handi batera heldu zarela konturatuko zara. Autoa TAO-rik gabeko zonalde batean aparkatzea eta Txurruka kaitik portu zaharrera doan ibilbidea egitea gomendatzen dizugu. Ibilaldi horretan ordu pare bat emango duzu, eta Neguriko maila altuko kaiak, Getxoko kirol portua, Ereaga hondartza eta Algortako Portu Zahar xumea ikusi ahal izango dituzu: kontrastez beteriko esperientzia bakarra.
Nola heldu
Metroko Areeta geltokiak Bizkaiko Zubitik gertu utziko zaitu. Zaude lasai, eraikuntza erraldoia auzoko edozein lekutik ikus daitekeelako.
Ibaiaren beste aldea bazaude, Peñota litzateke zure geltokia, eta bertatik zubira paseotxoa egin beharko duzu.
-
Metroa
Metroko Areeta geltokiak Bizkaiko Zubitik gertu utziko zaitu. Zaude lasai, eraikuntza erraldoia auzoko edozein lekutik ikus daitekeelako. Ibaiaren beste aldea bazaude, Peñota litzateke zure geltokia, eta bertatik zubira paseotxoa egin beharko duzu.
-
Autobusa
Bizkaibus konpainiak Bizkaiko Zubiaren aurrean utziko zaitu. Bertatik A2151, A3411, A3422, A3451, A2161, A3338 eta A3472 lineak igarotzen dira Uribe Kostako aldean. Portugaleteko aldean, ostera, A3321, A3323, eta A3135 lineak dauzkazu.
-
Autoa
Bilbotik, ibilbide azkarrena N-637a jarraitzea da, ondoren BI-637an bihurtuko dena, Getxo norabiderantz. Kostaldera heltzean, Zugatzarte etorbideari helduko diogu ezkerrerantz, kostaldea gure eskuinean utziz. Etorbide hau jarraituz Bizkaiko Zubira helduko zara.
Gastronomia
Non jan
Bai ezkerralde, bai eskuinaldean gastronomia eskaintza aberatsa izango duzu. Getxon taberna ugari topatuko dituzu zubi aurreko arkupean eta baita bertako inguruetan, pintxoz beteriko barrekin.
Ezkerraldean, transbordadoretik irten eta ezkerreantz joz Portugaleteko alde zaharrean egongo zara, eta tabernak zein jatetxeak ez dituzu faltan izango bertan. Alde zaharreko kale estu hauek poteorako ezinhobeak dira.
Ostatua
Non lo egin
Ostatu ugari topatuko dituzu ezkerralde zein eskuinaldean. Ezkerraldean denetarik topatuko duzu: hotelak, hostalak, pentsioak…
Eskuinaldean, luxuzko hotelak eta jauregiak ikustea ez da batere zaila, zonalde aberatsagoa baita.