En Bilbao Bizkaia estamos deseosos de que os llevéis un trocito del “alma vasca”, de nuestra forma de ser y de hacer; estamos deseosos de que hagáis una compra realmente única, esa que solo podrás encontrarla aquí. Por eso, os invitamos a disfrutar de la oferta turística y a conocer los comercios más interesantes y sorprendentes.

Erosketa paregabeak eta esklusiboak

Klasikoak, berezko nortasunarekin

Bilbao Bizkaian, gure oroigarriak bereziak izan daitezen eta, aldi berean, gure izpiritu alai eta hurbila adieraz dezaten arduratzen gara: jantzi tradizionalak, artisautza eta zeramika tipikoetatik, diseinatzaile garaikideek egindako sorkuntzetara. Halaber, Athletic Club talde enblematikoaren Museora hurbiltzea eta oroitzapena eramatea gomendatzen dizuegu.

Gure betiko saltokiak

Bilbao Bizkaian zehar egingo duzuen ibilbidean, denda bereziak aurkituko dituzue, produktu tipikoak erosi ahal izateko, hala nola abarketak, abarkak, saskiak, ardo-botak edo aterkiak. Beren esentzia, usain eta kolorearekin, iraganera eta tradiziora hurbilduko zaituzten saltokiak. Ongietorria atsegin onez egingo dizueten dendak eta, sarri, tradizioa beren abizenetan daramatenak. 

Gure lurreko jakiak

Gure gastronomiaren nazioarteko arrakasta tokiko produktuen kalitatean datza. Bilbao Bizkaian askotariko produktuak aurkituko dituzue: eztia, hestebeteak, txokolatea, piperrak (piperminak) edo fruta eta barazkiak. Barrualdean, Idiazabal gazta eta Karrantzako ardiarena bezalako produktuak ikusteko eta erosteko aukera izango duzue. Kostaldean, itsas produktuen kontserbak dira erreferentziazko produktua, hegaluzea edo antxoak, esaterako.

Ahosabai gozoenentzat

Gastronomia sakratua den lurraldean, gourmet produktuei eskainitako saltokien eskaintza zabala da. Kalitate handiagoko elikagaiak, jatorrian ziurtatuak, hala nola behi-okela, arkumea, hegaluzea, eztia, baserriko arrautzak, tomatea eta letxuga, babarrunak, sagardo naturala, oliba-olioa eta askoz produktu gehiago, horietako asko Eusko Label kalitate-zigiluarekin gainera, berme osoz dastatzeko! Ez ahaztu gure enbaxadore handia, Txakolina, eta urte osoan zehar egiten diren azoka eta merkatuak bisitatzea.

Gozokiak, eutsi ezinezko tentazioak

Bilbao Bizkaian gozozaleak gara berez. Beste inon aurkitu ezingo dituzuen pastelak eta gozoak ditugu, hala nola, karolinak, gurin opilak, Errusiako pastelak edo arroz opilak, beste askoren artean. Gozo apeta asetseko omenaldi bikaina!

Gure historiaren kontakizunak

Gure artisautzek, jakin-mina pizten duten eta betiereko loturak sortzen dituzten berezko produktuen bidez, Bilbao Bizkaira behin eta berriz garraiatzen zaituzte. Azkuna Zentroko DendAZ edo Guggenheim Bilbao Museoaren aurrean dagoen Deustuko Espacio Aerre bezalako tokiak bisitatzean euskal kulturaren eta tradizioaren zatitxo bat eramango duzue!

Zigilu propioa duen artea

Heldu bezain laster, Bilbao Bizkaia arkitektura, dekorazio, osagarri eta diseinu azken joeretara irekita dagoela ikusiko duzue. Hemen artea eta kultura gure museo eta galerietatik haratago hedatzen da, kaleak hartzen ditu! Horren adibide bikaina Bilboko Art District da. Ez zaitezte joan ezagutu gabe!

Shopping alternatiboa eta askoz gehiago

Merkatu alternatiboak eta abangoardiakoak Bilbao Bizkaiko giroaren parte dira. Ez galdu igandeetako azokak, hala nola Open Your Ganbara, Artiach gaileta fabrika zaharreko Open Espazioan; Plaza Barrian antolatzen den bigarren eskuko merkatua edo Areatzan egiten den Loreen azoka. Baina, dudarik gabe, azoka interesgarrienetakoa hileko lehen larunbatetan Bilbo Zaharrean egiten den Maiatzaren 2ko azoka da.

Pasa zaitezte eta eraman zuen bisitaren oroitzapen berezia!

Erosketak Bilbao Bizkaian