Naturala, gehigarririk gabekoa
Zonalde berde zoragarrian kokatuta eta mendi zein itsasoz inguratuta, Bizkaiak zure gustura doitutako jarduerak eskainiko dizkizu gure orografian: xendazaletasuna, herri xarmangarriak, kayak-ibilaldiak…
Gure kostaldeak Lekeitio edo Bermeo bezalako herri xarmangarriak erakutsiko dizkizu eta Kantauri itsasoko ur-kirolek askotariko aukerak eskainiko dizkizu: Mundakako Ezkerreko Olatuak hitzik gabe utziko zaitu eta Sopela zein Bakioko hondartzetan praktikatuko duzun surfak adrenalina piztuko dizu. Zure asmoa lasaitasuna bilatzea bada, Laida, Laga, Meñakotz, Barinatxe edota Barrikako hondartzak natura basatian kokatutako paradisuak dituzu, Urdaibaiko biosfera ahaztu barik.
Barnealdean, Armañon, Gorbeialde edota Urkiolako parke naturalek gure orografiako mendiak, basoak eta kobazuloen altxorrak erakutsiko dizkizute. Bertan, xendazaletasuna, eskalada, bisita gidatuak eta bestelako jarduerak praktikatu ahalko dituzu.
Irekia eta adeitsua
Zaren bezalakoa nahi zaitugu Bizkaian. Zu zeu izateko aske!
Geldigaitza zein lasaia izan, Bizkaiak zure beharrizanetarako proposamen ugari eskainiko dizkizu, kostaldean zein barnealdean jarduera ugari praktikatzeko aukera izango duzulako. Kostaldeko lasaitasunaren bestaldean barnealdeko kirol-jarduerak topatuko dituzu, mugitzea gustuko baduzu.
Bizkaia osoa primerakoa da naturarekin kontaktuan egoteko. Kostaldean are finuko hondartzak topatuko dituzu, interesgune nagusiak Sopelako Atxabiribil eta Barinatxe (Basatia bezala ezaguna) oso aukera onak dira udarako. Meñakotz, Azkorri, Barrika eta Basatia oso aproposak dira nudismoa praktikatzea maite baduzu, leku oso lasaiak baitira, are beltzeko Azkorri eta itsaslabarrez inguratutako Meñakotz eta Barrika batez ere. Ekialderantz Gorliz, Laida eta Laga daude, azken biak Urdaibaiko biosferan kokatuta.
“Meñakotz, Azkorri, Barrika eta Basatia oso aproposak dira nudismoa praktikatzea maite baduzu, leku oso lasaiak baitira”
Biosferan ere Gaztelugatxe zain izango duzu Bakio eta Bermeo artean. Benetan merezi du bertara hurbildu eta Game of Thrones telesaila inspiratu duen uharte hau bisitatzea. Bisitak gure arrantzaleen bizimodura eta gure historiaren esparru garrantzitsu batera eramango zaitu denboran zehar.
Barnealdean, Armañon, Urkiola eta Gorbeia parke naturalek kirol-aukera ugari eskainiko dizkizute: Armañonek lurpeko kobazuloen bihotzera eramango zaitu, Gorbeialdeko ibilbideek Bizkaia eta Araba arteko leku magikoetatik eramango zaituzte, Gorbeia mendiko gailurreko burdinezko gurutzetik gure lurraldeko bazter ugari ikusiz. Urkiola magiaren natura-parkea duzu. Antonio Abad eta Paduaren santutegitik irtenda ibilbide ugari egin daitezke Anbotoko Mari, Lamiak, sorginak eta bestelako antzinako izaki mitologikoen bizilekuak bisitatuz, natura-paradisuak eskainiko dizkizun belardietan, basoetan eta kobazuloetan galduz.
Ibilbideak
Kayak ibilbideek gure sustraiak erakutsiko dizkizute, gure historiatik ibilbide originala egiteko aukera ezinhobea. Bilbo zaharra ezagutzeko ibilbide tipikoa erdigunetik La Peñako urtegira doana duzu. Bidean zehar udaletxeko zubia, Areatzakoa eta Mesedeetakoaren azpitik igaroko zara, Erriberako merkatua atzean utziz eta antzinako kaiak ikusi eta gero La Peñako urtegira helduz.
Inguruko paisaiak ezagutu ostean, Bilbora bueltatu beharko zinateke, hiriaren bizkarrezurra den Nerbioi ibaia ezagutu ahal izateko
Kontrako norabidea ezagutu nahi baduzu, Bilbotik Bizkaiko Zubira doan ibilbidea aukeratu beharko zenuke. Udaletxeko zubia, Zubizuri eta La Salvekoak igaro ostean Guggenheim museoa ikusi ahal izango duzu ezkerraldean.
Aurrerago, Deustuko unibertsitatearen aurrean Pedro Arruperen zubia ikusiko dituzu, eta segidan, Deustuko zubi mugikorra eta Euskalduna Jauregia kontenplatuko dituzu proan. Carola garabia atzean utzi ostean Bizkaiko zubira helduko zara industria aroko zonaldetik igaro ostean. Umeekin bazoaz, Bilbotik Euskalduna Jauregira doan ibilbidea aukeratu beharko zenuke, laburragoa eta leunagoa baita.
Bestalde, bikotekidea harritu nahi baduzu, gaueko ibilbidearekin ez duzu huts egingo. Ez dago alderik gaueko Bilboko paisaia eta egunekoaren artean. Fokuak, isladak… bidaia turistikoa esperientzia erromantikoan bihurtuko du, ziur.
Nola heldu
Gastronomia
Non jan
Kostaldeko gastronomiak itsasoko produktuak eskainiko dizkizu bereziki, eta edozein herriko jatetxetan bertako plater tipikoak eskainiko dizkizu, bakailaoa, marmitakoa, sardinak eta itsasoko produktuez osatutako pintxoak barrako protagonistak izanik.
Barnealdean indabak, porrusaldak, pistoa eta gure baserrietako ortuetako produktuak nagusi dira, artzaingintzako abereen esnekiak eta okelak ahaztu gabe, besteak beste.
Ostatua
Non lo egin
Bai kostaldean, bai barnealdean, ostatu ugari topatuko dituzu. Zenbat eta Bilbotik urrunago egon, orduan eta landetxe, kanping eta hostal gehiago topatuko dituzu. Herri handienetan (Getxo, Portugalete, Gernika, Urduña…) hotelak topatuko dituzu ere.