2011n inauguratu zen, eta Bilboko erdigunean dago, Miribilla auzoan hain zuzen ere. 25.985 metro karratu ditu, instalazio moldakor eta multifuntzionalak. Bertan hainbat jarduera mota egin daitezke: enpresa, prestakuntza, merkataritza, kultura-, kirol-, gastronomia- eta musika-ekitaldiak, bai eta nazioko eta nazioarteko kirol-lehiaketak ere.

Bilbao Basket saskibaloiko klub profesionalaren egoitza izateaz gain, hainbat modalitatetako beste hainbat kirol ekitaldi ere hartu ditu, hala nola areto futbola, badmintona, gimnasia, dantza, izotza, etab.

Halaber, ohiko programazioan honako hauek daude: musika, kultura, kontzertuak, antzerki- eta ballet-ikuskizunak, zirku eta family showak, enpresa-ekitaldiak eta azokak, ekitaldi politikoak, sindikalak edo erlijiosoak.

Besteak beste, Aitana, Camilo, Alejandro Sanz, Scorpions, Pablo Alboran eta Andre Rieu musikariek bisitatu gaituzte, Revolution On Ice ikuskizunak, Cirque du Soleil, Disney Live eta Disney On Ice ikuskizunek, Horroreen Zirkua edo Apokalipsia bezalako antzerki emanaldiek, eta beste ekitaldi askok, hala nola Ura Bere Bidean, Fair Saturday, azokak, kongresuak, etab.