Kontuan hartzeko

Non eskalatzea gomendatzen dugu? 

Inguru Abenturan hainbat leku ditugu eskalatzeko. Hasteko Egino edo Araotzeko eskolak dira onenak, hango biek ez baitira 5C mailatik gorakoak. 6 edo 7 mailako erronken bila bazabiltza, Oro edo Atxarten aurki ditzakezu ibilbide zailagoak eta era askotako lurrak. 

Nork eskalatu ahal du?

Eskalada gutiontzat da.  Ez da behar ez esperientziarik ez materialik. Kirola gustuko baduzu, eta gero eta erronka handiagoak nahi badituzu, eskalada modu ezin hobea da zure burua hobeto ezagutzeko eta zure mugak zeintzuk diren jakiteko.  

Zein da gomendatzen den gutxieneko adina?

Txiki-txikitatik hasi ahal gara eskalatzen. Umeentzako arnesak ditugu, txikienek ere aukera izan dezaten gozatzeko eta altuago igotzen lehia daitezen.

Zer sartzen da eskalada saioan?

Taldearentzako material teknikoa (motxila, sokak, grigi, zintak, eta abar) 

Material tekniko indibiduala (arnesa, kaskoa, mosketoiak, eta abar)

Gida titulatu eta espezializatua

Erantzukizun zibileko asegurua eta istripu-asegurua.

BEZa barne,

Gomendioak

Urte sasoiaren araberako arropa erosoa (beti mahuka luzea) eta kirol-oinetakoak. Gomendagarria da motxila txiki batean eramatea zerbait jateko, litro eta erdi ur pertsona bakoitzeko eta toalla bat edo arropa aldatzeko.   Horrez gain krema, txanoa edo bisera, betaurrekoak edo eskularruak, urte sasoiaren arabera.