Emozioak bi gurpilen gainean.

Frantziako Tourra, hitzordu gogoangarria

Ez dago zalantzarik txirrindularitzarentzako Bizkaiko lurralde historikoan 2023ko uztailaren 1a data historikoa izango dela, Frantziako Tourrari hasiera emango baitzaio. Lehen etapak Bizkaia zeharkatuko du, txirrindularitzaren maitale guztientzako aukera paregabea eskainiko duelarik.

- Tourreko lehen etapa, profesionalen antzera

Laukiz, San Juan de Gaztelugatxe, Morga, Vivero eta Gallo bezalako kota txikiak igarotzen ditu, baita Pike Bide amaierako aldapa gogorrak ere.

Ondo prestatuta egotea eskatzen duen ibilbidea da, bukatzeko ez ezik osatzen duten elementu guztiez bete-betean gozatzeko ere.

- Lehen etapa motzena, ederra eta ez hain zorrotza

Ibilbide hau aukera Tourreko lehen etaparen moldaketa bat da, errazagoa eta motzagoa, kapitalean dituelarik irteera eta helmuga, Laukiz, Bizkaiko Zubia, Plentzia, Andrakagaina, Umbe eta Pike Bidea zeharkatuz.

Gainera, publiko zaletua ekitaldiaren parte hartzaile izateko, ekainaren 11an Frantziako Tourraren lehen etapako ibilbide bera egin ahal izango da, edizio bakar batean.

Ibilbideak Bilbo inguruan

Bi ibilbide dituzu aukeratzeko: errepideko bizikletentzako bat (Bilbao Road itzulia) eta mendiko bizikletentzako beste bat (Bilbao Green itzulia). Biak Artxandatik pasatzen dira, Bilboko ikuspegi ederrez gozatzeko parada ezin hobea.

Ibilbideak Bizkaiko kostaldetik, itsasoko haize gozoarekin

Bizkaiko kostaldea natura, iragan industriala, ondarea eta primerako gastronomia uztartzen diren lekua da, bizikletan ezagutzeko jomuga bikaina.

Talaia edo itsaslabarretatik itsasertza emeki behatu ahal izango duzu, bainu bat hartzera gelditu edo hondartzetatik paseatu, arrantzale herrien lilura preziatu edo ilunabarretan itsasbazterretan atseden hartu.

Inoiz ahaztuko ez dituzun sei ibilbide desberdinez goza dezakezu. Hondartza eta itsaslabarren artean aukeratu ahal izango duzu:

- Lea Artibaiko Itzulia

- Ziortza-Bolibar - Lekeitio

- Urdaibaiko Itzulia

- Gernika - Bermeo

- Kantabriko Itzulia MTB

- Flyscheko Itzulia

Barnealdeko ibilbideak, alderik berdeena

Bizkaiko baso eta bailaretatik igarotzen diren ibilbideak ezagutu ahal izango dituzu. Natura bizia herri industrialen iraganeko eta orainaldiko ondare garrantzitsuarekin nahasten da.

Armañoneko, Urkiolako edo Gorbeiako Parke Naturalen inguruan barrena paisaia liluragarriak aurkituko dituzu. Naturan zehar arnasteko eta gozatzeko ibilbideak:

- Enkarterri - Meatzaldea

- Balmaseda - Armañon Parke Naturala

- Orozko - Urduñako portua

- Parke Naturaletako itzulia

- Durango - Urkiolako portua

- Anbotoko Itzulia

Bilbao Bizkaia txirrindularitzaren maitaleentzako paradisua da, ibilbide asko baititu eta txirrindulari bakoitzaren behar eta gustuetara moldatzen baita.

Gainera, paisaia anitzek eta interes kultural zein historikoko puntu desberdinek Bilbao Bizkaia bizikletaz ezagutzeko eta emozioez gozatzeko leku paregabea bilakatzen dute. Ezagutu itzazu kostaldeko, barnealdeko eta Bilboko metropoliko ibilbide desberdinak eta ez ezazu galdu 2023ko Frantziako Tourreko lehen etapa, aukera paregabea baita.