4. Ibilbidea: Txakolina eta landa-bizitza mendi artean
Ibilbide honek paisaia natural ikusgarrien eta tokiko kulturaren uztarketa esploratzera eramango zaitu.
Gorbeialdean edertasun naturalaren, historiaren eta euskal kulturaren konbinazio ideala aurkituko duzu. Esperientzia bakarra eta benetakoa Bizkaiko bihotzean. Gorbeia mendi itzela da nagusi, Euskadiko gailurrik garaiena, 1.481 metroko altuera duena, eta mendi-ibilaldi zoragarriak egin ahal izango dituzu. Herri xarmagarriak zeharkatu. Tokiko tradizioetan eta kulturan murgildu. Eta Areatza inguruan dauden upeltegi txikietako txakolinarekin uztartutako gastronomia bikaina dastatu.
Ibilbidearen mapa
Ibilbidea etapaz etapa
-
Etapa 1 Berez Galanta upategia
Berez Galanta upategia Usansoloko Arteta auzoko muino baten gainean dago, 12 hektareako mahastiaz inguratuta. Ezagutu hango txakolina, elaboratzen duten gunea eta haren historia, baita bertako ingurune naturala ere: mahastiak, terraza edo jangela inguratzen duen beiratea. Inguruko ikuspegi zoragarriez goza dezakezu bertan. https://txakoligalanta.com/
-
Etapa 2 Antzasti Euskaldunon Etxea
Azken geldialdiak Antzasti Euskaldunon Etxea eramango zaitu autoz 20 bat minututan. Euskal baserri tradizionala da, eta baserriko bizitza tradizionala ikusiko duzu, industria-garapenaren ondorioz aldatu den etxebizitza moderno eta hiritarraren aldean. Tokiko tradizioei buruz eta euskal kultura zaintzearen garrantziari buruz ikasiko duzu.
Baserriak denda bat eta dastatzeko gune bat ditu, bertako produktuak erosi eta dastatzeko aukera ematen duena; jakina, inguruko txakolina ere badago.
Espazioa bisitatzeko, hitzordua hartu behar da aldez aurretik. Informazio gehiago: https://www.antzasti.eus/?lang=es
-
Etapa 3 Garena jatetxea
Bazkarirako, leku berezia proposatzen dizugu, Areatzako erdigunetik 5 minutura dagoen baserri batean –Dimako auzo batean –. Haranera eta mendietara ematen duten ikuspegi pribilegiatuak ditu, mahastiz inguratuta: Garena jatetxea. Sukaldaritza berritzaileena duela 500 urteko errezeta tradizionalekin bat egiten duen esperientzia gastronomikoa.
Jatetxe honek tokiko eta hurbileko plater bikainak eskaintzeaz gain, txakolin-ekoizle ere bada, eta, beraz, bazkariarekin uztartu ahal izango duzu. Eta janari goxo batez gozatzea, inguruko mahasti-paisaiekin batera.
Informazio gehiago: //garena.restaurant/
-
Etapa 4 Areatza eta Areatzako parketxea
Ibilbideak Areatzan barrena pasealeku atsegin batekin jarraitzen du, Erdi Aroko herri zoragarrian. Harriz betetako kaleek eta arkitektura tradizionalak iraganeko garaietara eramango zaituzte. Eraikin zaharrak miretsi ahal izango dituzu, eta herri zoragarri honen historian murgildu. Herrigunea kultura-ondasun izendatu dute, monumentu-multzo kategoriarekin, eta interes handiko arkitektura-ondarea du.
Plazara iristen zarenean, gomendatzen dizugu Areatzako Parketxe bisitatzea, Gorbeiako Parke Naturalaren Interpretazio Zentroa, Bizkaiko lurraldeari dagokiona. Hiru solairuko espazio bat, Gorbeiako Gurutze mitikorainoko igoeraren itxura egiten duena. Horri esker, Euskadiko Parke Natural zabalenari buruzko erakusketak aurkitu ahal izango dituzu.
Areatzako alde zaharrean zehar bisita audiogidatua egitea gomendatzen dizugu. Zure mugikorraren eta QR baten laguntzaz edo parketxean audiogida bat dohainik eskatuta, hiribildu zoragarri honen historia eta eraikin enblematikoenak ezagutu ahal izango dituzu.
-
Etapa 5 Larreder Pasealekua
Eguna hasteko, Areatzako Larreder ibilbidean ibilaldi ederra dugu. 3,7 km-ko ibilbide zirkularra eskaintzen du, zailtasun txikiarekin. Gorbeia mendiaren magalean zehar eramango zaitu, iraganeko aztarnak aurkitzen dituzun bitartean, hala nola trikuharria, izoztegia eta karobia. Hezegune txiki bat ikusteko aukera ere izango duzu, eta ingurune natural horrek eskaintzen dituen ikuspegi panoramiko ikusgarriez gozatzeko.
Bitxikeria: Aholkua: Udazkenean bisitatzen baduzu, bisitatu pagadietako bat, Otzarretakoa esaterako. Baso magikoa dela ziurtatzen dizugu.
Aukerak
- Mendi-ibiliak egiteko beste bide batzuk egin nahi badituzu edo egun batzuk inguru horretan bazaude, begiratu hauei: https://www.gorbeiaeuskadi.com/rutas-cortas-gorbeia
- Gorbeiako Parke Naturalaren magalean, Areatza bainuetxe-hotela leku ezin hobea da oraindik birjina den leku naturalaz gozatu nahi duenarentzat. Erlaxatzeko tratamendurik onenak eskaintzen dituzte, eta bertako ur mineral sendagarriak bereziki egokiak dira tratamendu dermatologiko eta erreumatikoetarako. https://www.hotelbalnearioareatza.com