La Danza de los Tulipanes, Urdaibaiko txokoetarako giltza
Bizkaiko gune enblematikoenak arakatuko ditugu Ibon Martínekin batera, momentuko thriller txundigarrienaren autorea. Ez ezazu kliskarik egin edo zeozer galduko duzu!
Inork ez zuen uste Bizkaiko biosfera thriller baten agertokia izan ahal zenik, baina Ibon Martínek lore kuttunenak hilketa krudelenak iradoki ahal dituela frogatu du.
“Bizkaiak edertasun ukaezineko guneak ditu, baina niretzat Urdaibai da zirraragarriena” aitortzen du autoreak, zonarekiko duen loturari buruz galdetzen diotenean.
Zeureak egin Urdaibaiko txokoak La Danza de los Tulipanes liburuarekin.
Gernikako trenbidetan jasotako hilketak Busturialdeako erritmoa aldatuko du guztiz. Natalia, hiribilduko kazetaririk ospetsuena, eta polemikoena baita, trenbidean lotu dute bere eskuen artean tulipa fin bat utziz. Urdaibaiko Erreserba beltzez koloreztatuko duen agertoki benetan lazgarria, eta Facebook bidez zuzenean emandako gertaera.
Istorioa Gernikan hasten da, baina hiltzailea harago doa. Ez du nahikorik izan Santi, makinista eta Nataliaren senarra dena, lur jota uztearekin; lurraldeko lasaitasuna hausten jarraituko du. Urdaibaiko biztanleak suntsituta daude eta hilketak bere horretan segitzen dute, egunero are eta mediatikoago gainera. Horrela ezagutuko dugu Ane, Inpaktu Homizidioen Unitate Berezi berriaz arduratzen den ertzaina, eta lehen eskuz biziko ditugu kasuan inplikatutako bestelako agenteekin dituen harremanak: Aitor, Txema, Julia eta Silvia. Patroiak, hilketaren eszena eta Luis Olaizola aztertuko ditugu, azken hau, Gernikako komisarioa da eta Nataliaren maitalea denbora luzean zehar.
Gatazka emozionalak direla medio, Muruetarako bidea hartuko dugu.
Nobelaren bitartez San Pedro de Atxarre ere bisitatuko dugu, Urdaibaiko ikuspegirik onena. San Pedro de Atxarre leku oso berezia da Ibonentzat, “gune oso berezia, zeinetan orduak konturatu gabe joaten diren, itsasaldi errukigabea ikuskatu ahala pintura berriak margotuz joanez, zein baino zein ederrago eta biziago. Turistak akituta utziko dituen txokoa”.
Ondoren, Juliarekin batera Kantauri itsasoan barrena surfean arituko gara, besakada bakoitzeko egunerokotasuna atzean utziz. Modu horretan ezagutuko dugu Mundaka, herri arrantzalea eta surflari askoren etxea, gaitzak pairatu ondoren giro marinela izaten jarraitzen duena.
Ane Cesterok, taldeko kaskarinak, Gernikako kale nagusietatik eramango gaitu, kaña batzuk hartuko ditugu Itsaspen eta inguruko begitarteak ezagutuko ditugu, haurtzaroko tratu txarrak edo genero indarkeria bezalako abusu eta traumak ezkutatzen dituzten begitarteak.
Bermeotik, arrantzaleen sorterritik, Izaro irlaraino nabigatuko dugu, euskal kostako irlarik handiena eta legenda aniztunekoa. Bertan, berebiziko ekaitza biziko dugu itsas zabalean.
Gaztelugatxe leku sakratutzat hartzen badugu ere, hiltzaile ahalkegabeak bere sinadura utziko du Kantauriko ermita magikoenean.
Jarraitu hiltzailearen arrastoa eta Urdaibaiko mundu magikoan murgildu. Ez zara damutuko!
Autoreari buruz:
Ibon Martín (Donosti, 1976), kazetaritzan lizentziatua Euskal Herriko Unibertsitatearen eskutik, Euskadi goitik behera arakatu zuen Radio Euskadi, Cadena SER, Diario Vasco eta bestelako hedabideetan paraje naturalei ahotsa ipintzeko. Halaber, bere ibilaldiek ez zuten soilik gure lurraldearen edertasunaren inguruan hitz egiten, baizik eta arrasto historikoak eta mitologikoak berpizteko gogoak ere islatzen zituzten. Bere lehen eleberriek, El valle sin nombre eta LOS CRIMENES DEL FARO seriea, oso laster lortu zuten arrakasta.
La Danza de los Tulipanes, polizia estiloko liburua, bere seigarren eleberria da.
