Terrazak, geldialdiak bidean
“Betikoak” edo abangoardistak. Pintxo-barrarekin edo kartarekin. Hiriaren taupadak sentitzeko edo ikuspegi politekin lasaitzeko. Konbinazio ezin hobea egun eguzkitsuez konpainia onean gozatzeko.
Bilbo Bizkaian benetan ondo ematen zaigun zerbait badago, gure kuadrilla eta familiartean gure denboraz gozatzea da. Eguzkia agertzen hasten denean, gure herriko terrazetara maiz joaten gara. Gure taberna, jatetxe eta hotel gehienek gune txikiak dituzte, 'oasi' txikiak, kaleko asfaltoaren edo eraikinen zabaltzen gainean kokatuak, lasaitzera eta ondo pasatzera gonbidatzen gaituztenak.
Terraza batzuek eguneroko zalapartari aurre egiteko bakea eskaintzen digute. Beste batzuek ikuspegirik onenak eskaintzen dizkigute. Horietako edozeinetan, etxean bezala sentituko zarete!
Zalantzarik gabe, gure terrazak ezinbesteko geralekuak dira zuen bisitan.
Kalean
Bilboko erdi-erdian
Bilboko bihotzean, Zazpikaleetan, terraza ugari aurkituko dituzue, lasaitzeko eta pintxo on batez gozatzeko, txakolina bezalako ardoa dastatzeko edo, besterik gabe, kafe on bat hartzeko. Metrotik irten bezain laster, Unamuno Plazan zenbait terraza daude, eta bertan eguzkiak eguneko lehen ordutik azkenera jotzen du. Plaza Barrian, herriko plaza zaharrenetakoa, Bilboko taberna tipikoenetako batzuk aurkituko dituzue. Izaera eta nortasun handiko plaza da eta ezinbesteko geltokia zuen ibilbidean. Poteoari dagokionez, beste kale tradizional batzuk Santa Maria, Txakur Kalea edo Maria Muñoz dira. Giro ona eta kalitatezko pintxoak aurkituko dituzue guztietan.
Erriberako Gastro Plaza
San Anton Elizaren alboan, ez ahaztu Erriberako merkatua bisitatzea, Europako hornidura-merkatu estali handienetakoa eta Bizkaiko merkataritza-erreferentzia. Merkatua 1929an ireki zen arren, bere esentzia bere historia luzean zehar mantentzeaz gain, lehen mailako produktu, pintxo eta plater ugari dastatzeko gune bihurtu da, bigarren solairuan dagoen Gastro Plazari esker, itsasadarraren eta Bilbo Zaharraren ikuspegi bikainak dituen terrazarekin. Gainera, tranbian mugituz gero, "Ribera" geltokiak sarrerako atearen parean utziko zaitu.
Martzana Kaia
Itsasadarraren beste aldean, Martzana Kaiak eskaintza interesgarria, askotarikoa eta kosmopolita eskaintzen digu. Bilbo Zaharra auzoak hainbat birmoldaketa bizi izan ditu historian zehar, "Indie" barruti bihurtu arte. Bilboko "Soho"gisa ezaguna, eguneko orduaren arabera giro ezberdina duen gunea da, eta noski, beti pizgarria. Poteoa egunez, kaleko musika, DJak eta antzokiak gauez. Ez galdu!
Zabalgunea, inoiz baino biziago
Abandoko eta Indautxuko auzoak aukera paregabea dira gosegarriak aire librean hartzeko. Ledesma edo Diputazio kaleek, esaterako, terrazak dituzten taberna eta jatetxe ugari dituzte. Indautxun, Poza Lizentziatuaren kalea, 'Pozas' izenez ere ezaguna, giro ederraren lekuko da, batez ere Katedralean, San Mamesen, partida dagonean.
Zerutik gertu
Ikuspegien maitaleentzat, Bilbok panoramika ikusgarriak dituzten zenbait zabaltza ditu. Indautxu auzoan, Azkuna Zentroaren azken solairuan Yandiolako terraza aurkituko duzue; Ercilla hotelean berriz, New Yorkeko rooftop-estiloko Le Club. Ekainetik irailera bitartean, hiriko hotel dotoreenetako bateko terrazan ere mokadu batez gozatzeko aukera izango duzue. Moyua Plazan dagoen Carlton Hotelean, adibidez, hiribilduaren egunerokotasuna ikusi eta sentitzeko aukera izango duzue.
Itsasadarrera begira
Lasaitasuna eta ikuspegirik garbienak itsasadarraren ondoan daude beti. Gran Hotel Domine, NYX Hotel eta Vincci Hoteles hotelak eguraldi oneko egun batean zerbait hartzeko tokirik onena dira. Itsasadarra bistatik galdu gabe, Euskalduna Bilbao eta Itsasmuseuma atzean utzi dituzuenean, Olabeaga auzo bereziarekin egingo duzue topo (Zorrotzaurre parean). Bertan terraza paregabeak daude, El Cargadero adibidez, itsasadarraren gainean dagoena eta ontziralekua duena. San Mames estadioaren parean dagoen Hesperia Zubialdek hiru terraza ditu, giro ezberdinekin eta gustu guztietarako.
Gastronomia, koktelak, barreak lagunartean, eta atsedena ikuspegi paregabeekin. Zuen zain gaude!
Terrazak, geldialdiak bidean