Hurrengo erreportajean, Bilbon ibiltzeko eta bertako txoko guztiak ezagutzeko 7 modu paregabe erakutsiko dizkizuegu

1. Gozatu Bilbao City View-ekin

Bisita panoramikoaz gozatzea eta Bilbo bere kale, eraikin eta zerutik ezagutzea posible da orain Bilbao City View-i esker. Bilboko turismo-autobus zerbitzu ofizial honek 11 geltoki egiten ditu hiriburuko interes-gune nagusietan, hiria modu eroso eta dinamikoan ezagutzeko aukera emanez. 24 orduz, bi solairuko autobusetik igo eta jaitsi eta hiriko lekurik esanguratsuenak ezagutu ahal izango dituzue. Ibilbidea 8 hizkuntzatan eskaintzen da (euskara, gaztelania, galiziera, katalana, ingelesa, alemana, frantsesa eta italiera) eta, zalantzarik gabe, aukera handia da denbora gutxirekin datozenentzat. Autobusa urte osoan dago martxan!

2. Marinelak, erria txikota! Goazen itsasoratzera!

Nerbioi itsasadarra Bilboko arteria nagusia da eta hiribilduaren birmoldaketaren eszenatokia. Bilboats edo El Bote Tours-i esker itsasadarra, Bizkaia industrialaren bihotza, ontziola zaharrak (egun Guggenheim Bilbao Museoa eta Euskalduna Bilbao dauden lekua), Olabeagako lantegiak eta Bizkaiko Labe Garaiak zeharkatuko dituzue. Azken zatian, Kantauri itsasoan itsasoratu aurretik, Bizkaia Zubiaren azpitik igaroko zarete, munduko zubi-garraiatzaile zaharrena, gure arku preziatua. Halaber, itsasadarrak aisialdirako, jardueretarako eta uretako kiroletarako aukera handiak eskaintzen ditu, hala nola, kayak, piraguismoa edo Stand Up Paddle.

3. Bilbo, oinezkoen neurrira egindako hiria

Hiria eta bere arima ezagutzeko, gure bidaia-sena jarraitzea dugu modurik onena. Alde Zaharreko kale estuetatik, Areatzako pasealekutik, Kale Nagusitik eta xarma duten beste txoko askotatik galtzera eramango gaituen sen hori. Hiribilduko eguneroko zalaparta ezagutzeko ibilbide bat baino hoberik ez! Bilbok oinezkoentzako gune asko ditu: parkeak, plazak eta ezagutu beharreko bestelako guneak. Zazpikaleak eta Zabalgunea ezagutzeko, Bilbao Turismoko bisita gidatuak gomendatzen ditugu. Aditu onenen eskuetan egongo zara!

4. Gurpilen gainean!

Bilbo Bizkaian bizikleta garraiobide gisa erabiltzen dugu. Gainera, adin eta exijentzia maila guztietarako ibilbideak ditugu. Bilbotik bizikletaz mugitzea aukera dibertigarria, azkarra eta osasungarria da. % 100 gomendagarria, batez ere udaberrian eta udan. Itsasadarretik paseoan zoaztela, ez ahaztu Arriaga Antzokia, Guggenheim Bilbao Museoa, Euskalduna Bilbao edo Itsasmuseuma bezalako guneetan gelditzea.

5. Gustu finentzako bisitaldia

Munduko erreferentzia den gastronomiaren tenplu txikia da Bilbao Bizkaia. Tokiko jakiak eta plater berriak dastatzea bidaiaren zati garrantzitsua da. Bilbon, gastronomia leku eta ordu guztietan dago presente, eta, beraz, gastrotourra ideia zoragarria da hirian barrena ibiltzeko. Gustu finentzako mokadu goxoa! 

Goi mailako sukaldaritza klasea edo txakolin dastaketa dira gehien eskatzen diren beste sukaldaritza esperientzietako batzuk.

6. Airetik

Bisitari ausartenek ez lukete Bizkaia gainetik hegan egiteko eta airetik ikuspegi ezohikoez gozatzeko aukerari ihes egiten utzi behar! Bilbo ezagutzeaz gain, gure gailurren eta Kantauri itsaso bikainaren artean ezkutatzen diren herri berezien bakea aurkituko duzue. Loiuko aireportutik egiten dira aireratzeak.

Kontrasteez beteriko lurra airetik ikusteko gonbita!

7. Aukera ekologikoena eta erabilera mugagabekoa

Bilbao Bizkaian turista guztiak animatzen ditugu autoa utzi eta garraio publikoa erabiltzera. Bilbao Bizkaia zeharkatzea inoiz baino errazagoa da orain Bilbao Bizkaia Card-ekin. Txartel horri esker, lurralde osoko garraio publikoa mugarik gabe erabili ahal izango duzue (24, 48 edo 72 ordu, txartelaren arabera), interes turistikoko leku guztietan ibili, museoak ilararik eta atzerapenik gabe bisitatu, jarduera eta bisita gidatu batzuk doan egin, eta establezimendu eta enpresa elkartuen deskontuez gozatu.

Ez itxaron gehiago zuen Bilbao Bizkaia Card eskatzeko eta ahalik eta erosoen mugitu!

Bilbo ezagutzeko modu paregabeak