J80 Munduko Txapelketa

Uztailaren 13tik 20ra bitartean Abrako Itsas Klub Errealak - Real Sporting Clubek J80 Munduko Txapelketa hartuko du Getxon. Nazioarteko hitzordu honek 100 ontzi eta 500 estropadalari baino gehiago batuko ditu Kantauri Itsasoan. Galduezina den itsas ikuskizun paregabea izango da.

Bizkaia itsas tradizio luzea duen lurraldea da. Hemengo kostaldean oraindik gordetzen dira antzinako baleontzien oroitzapenak, arrantzaleak, ontzi-eraikitzaileak eta itsasoarekin lotura estua duten beste hainbat ogibide. Getxo, Bilbotik 30 minutura dagoen herria da horren adibide argia. Kostako paisaia honek esentzia hori kuttun gordetzeaz gain garai berrietara egokitzen jakin du. Hori dela eta, gaur egun itsasoarekin zerikusia duten ekitaldiak antolatzen jarraitzen dira Getxon, esaterako, J80 Munduko Txapelketa.

Areeta eta Kirol Portua izango dira uztailaren 13a eta 20a bitartean ospatuko den txapelketaren erdigunea. Abrako Itsas Klub Errealak - Real Sporting Clubek antolatutako lehia honek munduko eta estatuko txapeldun eta estropadalari onenak bilduko ditu. Hala nola, Ingalaterra, Frantzia, Irlanda, Belgika, Kanada eta Indiako tripulazioak. Guztira, 100 ontzi eta 500 estropadalari baino gehiago elkartuko dira Getxon aurtengo udan.

Halaber, gure itsas bazterrean topatuko ditugu, besteak beste, ondorengo ontziak: bost aldiz munduko txapeldun izan den Rayco Tabaresen “Yaiza Printzesa Hotela” izenarekin ezaguna den itsasontzia, Javier Aguadoren “Maui Jim Sunglasses”, 2018an Espainiako Kopa irabazi zuen Daniel de la Pedrajaren “Ono”, Marc de Antonioren “Bribón Movistar”, Alexei Semenoven “New Territories”, Iker Almandozen “Garatu”, Juan Luis Paezen “Marbella Team” edo Angel Herreriasen “Raytan” ontzia.

Aingura goratzeko ekintzak

Txapelketa egunetan adin eta gustu guztietara zuzendutako hainbat ekintza antolatu dira, bi helburu direla medio: bertaratutako pertsonak nabigazioaren eta belaren munduan murgiltzea, eta  aldi berean, gure ondare historikoa sustatzea. Ekimen hauek Abrako Itsas Klub Erreala - Real Sporting Clubaren egoitzan eta Getxoko Kirol Portuan izango dira, Areetako erdigunetik 100 metrora.

Hona hemen topatuko dituzun ekintzetako batzuk:

  • Txapelketa itsasontzietatik ikusteko irteerak
  • Itsas munduari buruzko haurrentzako tailerrak
  • Bela bataioa
  • Kontzertuak
  • Solasaldiak
  • J80ko ontzietara bisitak
  • Merkatu nautikoa

Nola heldu

Getxo Bizkaiko kostaldean dago, Bilbotik 15 kilometro ingurura. Garraio publikoan zein pribatuan mugitzeko hamaika aukera eskaintzen ditu. Kotxez joaten bazara, BI-367 errepidetik iritsi zaitezke eta metroz mugitzea nahiago baduzu, Areeta eta Neguri  geltokiak gertu topatuko dituzu. Halaber, Abrako Itsas Klub Erreala-Real Sporting Club Loiuko aireportu internazionaletik gertu dago eta Getxon urte osoan zehar bidaiariak jasotzen dituen gurutzaontzientzako Olatua terminala ere badago.

Gastronomia

Non jan

Kirol Portuan bertan nazioarteko jakiak gozatzeko aukera eskaintzen duten hainbat jatetxe daude. Gainera, tarte lasai batez gozatu nahi baduzu, bertako terrazetako batean esertzea nahikoa izango da. Bestetik, euskal gastronomia dastatzea nahiago baduzu, aukerarik onena paseatuz Portu Zaharrera joatea da. Leku honetan aukera zabala izango duzu, jatetxe hauetako mokadu ezagunenak itsaskiak eta arraina dira. Gune honetan, munduan ezagunak diren pintxoez betetako tabernak ere badaude.

Ostatua

Non lo egin

Getxon gustu eta aurrekontu guztietara egokitutako lo egiteko lekuak daude: pentsio merkeenetatik hasita luxuzko hoteletarako aukera zabala dago. Turistikoki, gomendagarriena  itsasotik gertuen dauden ostatuak dira, bertako bistez gozatuta erlaxatzeko.

Deskontuak

BBCardek eskainitako deskontuak

Erosi