Guk hazitakotik jaten dugu
Lurreko produkturik onenekin egindako errezetak dira: babarrunak sakramentuekin, barazkimenestra eta pistoa. Horiez gainera, behiaren, esneko arkumearen, txerriaren, baserriko oilaskoaren eta abarren haragiekin eta haragion eratorriekin egindako errezetak daude, maisutasunez eginda gozatzen diren platerak. Dastatzea besterik ez zaizu falta.
Euskal sukaldaritza ospetsua berezi egiten duten sekretuetako bat da produktuak tratatzeko modua. Baratzeak, abeltegiak eta abeltzaintza-ustiategiak txikiak dira, eta, beraz, aukera dute barazkiak eta animaliak arduraz zaintzeko.
Ekoizpen-guneak salmenta- eta kontsumoguneetatik hurbil egoten dira, eta alderdi horrek ere kalitatearen alde egiten du. Aprobetxatu sasoiko produktuak hautatu eta eremuko edozein jatetxetan dastatzeko; gainera, ziur zoragarri artatuko zaituztela!
Guk hazitakotik jaten dugu
0 Km
0 km figuraren helburua da hurbileko ustiategi txikietatik datorren generoa eta hurbileko produktu freskoekin egindako platerak identifikatzea.
Tokiko ohitura gastronomikoei eusteko eta nutrizioaren gaineko interesari mesede egiteko beste modu bat da.
Bizkaian, jatetxe askok jartzen dute praktikan filosofia hori, eta tokiko produktuekin diseinatutako plateretan oinarritzen dute karta osoa edo zati bat.
Ideia horri lotuta, Slow Food mugimendua dugu, zeinaren xedea baita sukaldaritza azkarrak dakarren guztiari aurre egitea eta produktuen kalitateari zorrotz begiratzea.
Etxeko sukaldea, jatetxe
Sukaldaritza berria deiturikoak euskal gastronomia tradizionalean dauka jatorria, baina gure sukaldarien ekarpen bereziak aberastu egin du, sormenari esker berritzen jakin dutelako, gure sukaldea arte bihurtu arte. Lurralde historiko guztitik dauden jatetxe ugariren kasua da hori; asko landa-eremuetan daude, eta batzuek Michelin izarrak dauzkate. Beren sukaldaritza iraultzaileak zapore berriak bilatzen ditu etengabe, harritu eta seduzitu egiten duten formulen atzetik beti. Zain dauzkazu.
Lehiaketak eta dastatzeak
Urteko sasoia edozein dela ere, ziur Bizkaira etortzen zarenean lehiaketa-formadun hitzordu gastronomiko batekin topo egingo duzula: gaztak, gisatuak, ardoak... Sukaldaritza herrikoiaren jakintzaren isla baino ez dira. Lehiaketa horietan bai, parte hartzea da garrantzitsuena; batez ere, prestatutakoa partekatu eta jai bihurtzea edo erakusgai dauden produktuak dastatzea. Begiratu egutegia, eta aukeratu agendarekin ondoen datorkizuna.
Urtarrila
Odolki eta txorizoen txapelketa Mungian
Otsaila
BasqueTxok txokolate- eta kafe-jaialdia Balmasedan
Martxoa
Txerrikiaren azoka Sopuertan Apirila Txakolin Eguna Larrabetzun
Maiatza
Zallako Ardo Eguna
Ekaina
Txakolinaren Eguna Lezaman
Gereziaren azoka Errekatxo auzoan (Barakaldo)
Uztaila
Sukalkiaren Eguna (haragi erregosia) Mungian
Piperraren Eguna Gernika-Lumon
Abuztua
Aste Nagusiko gastronomia-lehiaketak Bilbon
Iraila
Sukalki-txapelketa (haragi erregosia) Larraurin
Untxiaren eta Sagardoaren Eguna Gernika-Lumon
Artzain Eguna Atxondon
Urria
Urriko lehen asteleheneko abeltzaintza-azoka Gernika-Lumon
Putxera-lehiaketa Balmasedan
Gangas Eguna (baserriko produktuak) Zallan
Artzain-gaztaren lehiaketa Gernika-Lumon
Mahats-bilketaren festa Balmasedan
Nekazaritza- eta abeltzaintza-azoka Markina-Xemeinen
Urriko azken asteleheneko nekazaritza-azoka Gernika-Lumon
Abendua
Ogiaren Eguna Galdamesen Txarriki Eguna Muruetan
