Animalia basatien bila
Naturaren maitalea izanik, gure fauna ezagutzeko aukera paregabea izango duzu birding eta zetazeoak ikuskatzeko jarduerekin
Gure lurraldeak fauna oso aberatsa dauka mendietan, basoetan barrena, itsasoan eta baita airean ere. Abere zonaldeetan zaldiak, behiak, ardiak, ahuntzak… erraztasunez ikus ditzakegu non nahi. Horiez gain, gure parke naturalak espezie basati askoren bizilekua edo igarotze bideak dira.
Duela urte gutxi, hegaztien bizimodua ulertzeko eta aztertzeko fenomenoa den birding edo hegaztien begiztatzea jaio zen. Euskal Herrian guztira 10 birding zentro topa daitezke: Izki, Arabako hegoaldeko zerran, Laguardiako zingiretan, Txingudin, Salbada zerran, Valderejo, Salburuan eta Urdaibain. Zentro hauetan hegaztien inguruko informazio guztia eskaintzen zaio bisitariari, animalia horiek gertutik ikusita: bizimodua, bizilekua, elikadura, ugalketa...
Itsasoa ere animaliak ikusteko espazio paregabea da, eta itsasontziak, zetazeoak ikusteko erakusleiho apartak. Gaur egun, zenbait enpresek gure kostaldeko fauna ezagutzeko aukera eskaintzen dizute, izurdeak orkak eta katxaloteak bezalako animalia harrigarriak gertutik ikusteko.
Natura bete-betean
Kobazuloak, mendiak eta magiaz beteriko haranak
Bizkaiko 2.166 kilometro karratuetan 230 espezie inguru bizi dira, eta gaur egun posible duzu, abereez gain, hegazti basatienak gertutik ikustea, euren bizimodua ezinhobeto ezagutzeko. Kostaldetik hurbil izurdeak ikusteko parada izango duzu, Bermeo bezalako herrietatik irteerak antolatzen dira-eta.
Orain arte animalia ezohikoenak ‘ehizatzea’ argazkilari trebatuenen teleobjetiboen lana bazen ere, gaur egun isilik egoten dakien edonork praktikatu dezake ehiza hau birding-ari esker. Iberiar penintsulako hegaztien % 60ak gure zerua zeharkatzen du migrazio garaian, horien artean Sai Arreak eta Sai Zuriak. Euskal Herrian Europako animalia-biztanleria onenetarikoak dauzkagu, horregatik jaio zen Urdaibai Bird Center.
Urdaibaiko Biosfera Erreserban, Urdaibai Bird Center deritzon zentroak ateak zabalduko dizkizu hegaztien inguruan den-dena jakin ahal izateko. Bertako museo biziak kalitate altuko instalazioak dauzka bisitariarentzat: hegaztien behatokiak, interpretazio-zentroak, ibilbideak… Horrela, aliota handiak, arrano arrantzalea, lertxun gorria, zapelatza, ahate buztanluzea eta larre-buztanikara bezalako hegaztiak ikusi ahal izango dituzu, urtaroaren arabera.
Itsasoratu ahala, bertako biztanleak aldatu egiten dira: antxeta mokogorriak, kaio hankahori eta ilunak... eta bestelako hegaztiez gain zetazeoak ikusteko aukera paregabea eskainiko dizu Bizkaiko Golkoak Urdaibaiko zonaldean, batez ere gure kostaldetik 12 - 20 milatarako urek. Bertako plataforma kontinentala oso estua dugu, eta horregatik zetazeo espezie ugariren bizilekua da: izurde mularak, ‘listados’ deritzotenak eta arruntak, aleta luzeko kalderoiak, kalderoi grisak, Rorcual arruntak eta aleta zuridunak, Katxaloteak, Orkak eta Cuvierko Zifioak, besteak beste.
Ibilbideak
Lehen ibilbideak Urdaibaiko kostalde izugarria erakutsiko dizu ikuspuntu ezberdin batetik: itsasotik kostalderakoa. Ibilbide honek Izaro irla misteriotsua, Ogoño lurmuturreko kobazuloak eta Elantxobe zein Mundaka herri miresgarriak erakutsiko dizkizu arrantzaleen ikuspegitik.
Itsasoak bestelako ibilbideak eskaini ahal dizkizu. Bermeotik irtenda badira ordubeteko ibilbide nagusi bi, Urdaibai kostalderantz
Bigarren ibilbideak Gaztelugatxeko atzekaldera eramango zaitu. 'Game of Thrones' telesailean agertu baino lehen, paradisuko irla honek mundu mailako ospea zeukan bere kokapen estrategikoagatik eta marinelei babesa emateagatik, inguru magiko batean kokatutako baseliza historikoarekin.
Gure historiaz blai, ibilaldia behar bezala bukatzeko, Bermeon poteatzea eta bertan bazkaltzea gomendatuko genizuke, bertako gastronomiak herriko arrantzaleek antzina zuten horixe bera baita.
Nola heldu
Urdaibai Bird Centerrea heltzea erraz xamarra da, behar bezala adierazita baitago Gernikaldean. Modurik lasterrena autoa bera da, Bilbotik Bertara hiru ordu laurdeneko bidaia egingo duzulako naturaz beteriko inguru batean zehar. Bigarren aukera autobusa duzu, eta geldialdiak direla-eta ordubeteko bidaia izango duzu, trafikoaren arabera.
-
Trena
Bilboko Atxuri Euskotren geltokitik badago Gernikara eramango zaituen E4 linea (Bilbo-Bermeo). Trenez arin batean egongo zara Gernikan. Herrira heldu bezain pronto A3526 (Gernika-Laida-Laga-Ibarrangelu) lineari heldu beharko diozu zentrora heldu ahal izateko.
-
Autobusa
Bizkaibuseko linea bi igaro dira Urdaibai Bird Centerretik. Bilborekin konektatu ahal izateko A3513a (Bilbo-Galdakaoko Ospitalea-Gernika-Lekeitio) duzu, eta Gernikatik Ibarrangelura doan A3526 linea (Gernika-Laida-Laga-Ibarrangelu) ere eskuragarri duzu Urdaibaiko zonaldea aztertzeko.
-
Autoa
Bilbotik N-637a jarraitu beharko duzu (Txorierriko autobia) Donostia norabidean. Amorebietara heltzean, autobia alde batera utzi eta BI-365 errepidea jarraitu beharko duzu Gernikarantz. Herria atzean utzi bezain pronto Laida norabidea jarraitu beharko duzu BI-3228 errepidetik. Zentroko kartelak topatuko dituzu errepidean.