Frantziako Tourra Bilbao Bizkaiara iritsiko da
Bilbao Bizkaiak errepide, bidegorri eta mendi-bide ugari ditu bizikletaz ibiltzeko. Horren isla da munduan proiekzio eta inpaktu mediatiko handienetakoa duen kirol ekitaldi bati irteera emateko hautatua izan dela, Frantziako Tourra, alegia.
Datorren uztailaren 1ean, Bilbao Bizkaia horiz jantziko da Gran Départ 2023 Pays Basque - Tour de Franciaren 110. Edizioaren lehenengo etapari harrera emateko. Gure errepideak, mendateak, hiriak eta herriak izango dira munduko txirrindulari onenen testigu.
Historia luzeko proba legendario honek giro paregabea sortzen du eta pasioak pizten ditu jarraitzaileen artean. Argi geratzen da hori errepideetan eliteko kirolariak ikusteko pilatzen den jendetza ikusita. Gogoratu, uztailaren 1etik 3ra gozatu ahal izango duzu kirol ekitaldi horrekin.
3 etapa, pedal asko
1. etapa Bilbo > Bilbo
Frantziako Tourraren lehenengo etapa, 185 kilometrokoa, Bilbon hasi eta bertan bukatuko da. Ibilbide zirkular horrek, Bilbotik Bilbora, 3.300 metroko desnibel metatua izango du, eta horrek etapa oso gogorra egiten du. Tropela Guggenheim Museo ingurutik abiatuko da, hiriko ikono turistiko nagusienetako bat, eta Urdaibaiko kostaldeko hainbat herritik igaroko da, UNESCOk Biosferaren erreserba deklaratutakoa. Lehenengo zati honetan, Gernika-Lumotik ere igaroko da lasterketa, bake unibertsalaren ikurra, non ”Gernikako arbola” dagoen, Bizkaiko eta Euskadiko askatasunen ikurra.
Etapa honetan, txirrindulariek igoera zorrotzak izango dituzte Viverora eta Pike Bideara, esaterako. Lasterketa Bilboko udaletxean bukatuko da.
2. etapa Gasteiz > Donostia
Bigarren etapa Gasteizen hasiko da eta Donostian bukatu, Jaizkibel gaina igaro ondoren. Arabako hiriburutik Easo ederrera doan ibilbide honek 210 kilometro ditu.
3. etapa Amorebieta-Etxano > Baiona
Bilbao Bizkaian Frantziako Tourraren azken etapa Amorebieta-Etxanoko udalerrian hasiko da eta ipar Euskal Herriko Baiona hirian bukatuko da. 80 kilometro egingo ditu euskal kostalde zoragarrian. Zati honetan, Lekeitioko herri xarmagarria, Donostia eta Irun, eta lasterketaren irabazlea Iparraldean igoko da postura.
