Bertoko zein nazioarteko musikazaleek ezinbesteko hitzordua dugu uztailean, Bilboko Kobetamendi gune paregabeak BBK Jaialdia hartzen du eta. Azken musika joeraz jabetuko zara hiru egunez, giro bereziki atsegingarrian. Bilboko ‘sabai’ naturalean kanpatzen duzula, euskal taldeek nahiz nazioarteko punta-puntako bandek egundoko gaupasa eskainiko dizute.
Gertu dugu BBK Live, indie musika alternatiboaren maitaleentzako ezinbesteko hitzordua. Estatuko zein nazioarteko musika jaialdi onenetakoa izanik, BBK Livek azken musika joerez gozatzeko aukera eskainiko dizu, eta giro bereziki atsegingarrian gainera.
Jaialdia 2006tik egiten da Kobetamendi gunean, Kobetas mendiaren magalean. Haren agertokitik goi mailako nazioarteko artista anitz igaro dira: Andrés Calamaro, Coldplay, Green Day, Iron Maiden, Lenny Kravitz, Pearl Jam, Red Hot Chili Peppers edo The Police, besteak beste. Halaber, Fermín Muguruza, Fito y Fitipaldis edo Berri Txarrak bezalako euskal talde eta artistek badute ere haien lekua.
BBK Live uztailaren 8tik 10era bitartean egingo da aurten, eta jaialdiak kalitatearen alde egingo du beste behin. Hala erakusten du kartelak, nazioarteko artista nabarmenak dituelarik: Kendrick Lamar, Pulitzer Saria eta Oscarra irabazi dituen lehen raperoa; The Killers taldea, Bilbora bueltatuko dena udazkenean estreinatuko duen diskoa aurkezteko; Pet Shop Boys, Erresuma Batuko top 30ean 40 single baino gehiago dituen taldea, eta Bad Bunny, Hiri Musikako Album Onenaren Grammy Latinoa irabazi berri duen modako artista.
Aurtengo edizioan falta ezin ziren bestelako artistak FKA twigs, Bomba Estéreo, Stella Donnelly, Triángulo de Amor Bizarro, La Bien Querida, María José Llergo eta Xabi Bandini dira. Uztailean, Kobetamendi indie herrixka bihurtzen da 3 egunez, nazioarteko musika onenaren oraina eta etorkizuna bilduz.
Ingurune berde zoragarrian ezarrita, Bilbao BBK Live jaialdiak munduko bazter guztietatik etorritako milaka musikazale erakartzen ditu urtero. 15.000 laguneko edukierarekin, Kobetamendiko guneak, eszenatokiez gain, kanpatzeko aukera ere eskaintzen du, besteak beste. Horrez gain, Basoa deritzon gune naturalak programazio elektroniko guztiz berritzailearekin liluratuko zaitu. Bonuak salgai daude dagoeneko, zeren zain zaude zure sarrerak erosteko?
Gomendioak
Hamaika kontzertu, dantzarik dantza, emozio bizi-biziak… Prestatu zaitez hiru egun zirraragarrientzako. Hortaz, arropa eta oinetako erosoak janztea gomendatzen dizugu, baita eguzkitako betaurrekoak eta krema, hala nola, kapusaia eramatea ere... badaezpada. Gogoratu, sarrera-eskumuturrekoa uneoro eraman behar duzula jarrita. Jaialdia adin guztietarako da, baina 16 urtetik beherakoek heldu batekin joan beharko dute. Berebat, 10 urtetik beherakoentzako sarrera doakoa da.
Nola heldu
Jaialdiaren antolakuntzak doako bi autobus linea eskaintzen ditu, etenik gabe uztailaren 9ko 12:00etatik aurrera, eta uztailaren 12ko 12:00etara arte, zerbitzu maiztasun aldakorrekin, eskariaren eta aurreikusitako beharren arabera. Autobus horiek Bilboko erdigunetik aterako dira, San Mameseko metro geltokitik eta Intermodaletik gertu, eta baita Barakaldoko BECetik ere (Ansioko metro geltokitik gertu). Jaialdiko egun guztietan, 16:00etatik aurrera gutxi gorabehera, autobusek Beyenako fabrika zaharraren inguruetan egingo dute geldialdia, eta, handik, 800 metroko ibilbidea egin beharko da jaialdira arte.
Autobusak jaialdiaren ateraino igoko dira 16:00ak arte. Hortik aurrera, jendetza dela-eta, Beyena fabrika ohian geldituko dira. Hortaz, gainerako zatia oinez egin beharko da. Jaisteko, Beyena ohia izango da bidaiariak jasotzeko gunea eta San Mamesera eta BEC-era itzuliko dira berriz autobusak.
Gastronomia
Non jan
Bilbao BBK Live jaialdiko eskaintza gastronomikoa ‘foodtruck’ deritzon filosofian oinarritzen da batik bat. Indarrak berreskuratzeko janari gozo-gozoak izango dituzu eskuragarri: hot dogak, artisau-pizzak, ogitartekoak, hanburgesak (baita beganoentzat ere), patatak, kebabak, gourmet eta artisau-ogiz egindako sandwichak… Eta postrerako, izozki freskagarriak edota krepe gozoak. Halaber, barazkijaleentzako nahiz zeliakoentzako menua ere bada (garagardoa barne!). On egin!
Ostatua
Non lo egin
Jaialdi-gunetik 3 kilometrotara, egundoko kanpalekua daukazu (120.000 m2-ko azalerarekin, 12.000 bat lagunentzako edukiera du). Zuhaitzez inguratutako birika-berdean kokatu dezakezu beraz zure kanpadenda. Kanpalekua asteazken eguerdian irekiko da jendearentzat (12:00etan) eta igande arratsaldean (15:00etan) itxiko da. Lau egunez kanpinean lo egiteak 15 euroko kostua du.
Halaber, ‘deluxe kanpina’ aukera ere badaukazu, hotel baten zerbitzu eta erraztasun guztietaz gozatuko duzula. Honela bada, ohedun etxeak (banakakoa nahiz bikoitza, oheko arroparekin eta guzti), argia, korrontea edo denda handiak aukeran izango dituzu, baita buffet gosaria ere!