Bizkaia pantaila handian eta txikian

Bilboko itsasadarra

Una ventana al mar

Emma Suárez protagonista duen filma leiho handiak dituen eta Bizkaiko Zubira bistak dituen etxebizitza batean hasten da. “Zubi Esekia” deituriko 1893ko eraikin horrek Bilboko Itsasadarraren bi ertzak lotzen ditu. 2007an, UNESCOk Gizatasunaren Ondare izendatu zuen zubia. "Ola de crímenes" filmean, Maribel Verdú aktorea bere estortsio-egilearekin (Miguel Bernardeau) elkartzen da zubiko ontzitxoan.

Ola de crímenes 

Mitologia eta drama Urdaibain

Juego de Tronos

Gaztelugatxeko San Joango istmoa, Bermeo eta Bakio artean dagoena, Rocadragón bihurtzen da telesail horretan, Daenerys Targaryen erreginaren gaztelua. Eszenatoki natural enblematiko hori erabili zuten telesail arrakastatsu horren zazpigarren denboraldiko irudiak filmatzeko. Bertako 241 eskaileretan hainbat eszena grabatu ziren, telesaileko pertsonaia nagusiak protagonista zirela.

Joan Bautistaren omenez eraikitako ermitara iristean, ez ahaztu kanpaia hiru aldiz jotzea zorte ona erakartzeko eta izpiritu txarrak uxatzeko. Gaztelugatxeko San Joan udan, zubi-egunetan… bisitatzeko eta Juego de tronos telesaileko pertsonaietako baten gisa sentitzeko, aurrez txartel bat eskuratu beharko duzu, doan, hemen.

Juego de tronos 

Presunto culpable

Miguel Ángel Muñoz eta Itziar Atienza protagonista dituen intrigazko telesail honen 13 kapituluetan zehar, Bermeo herri arrantzaleko taberna eta jatetxe ugariz gozatu ahal izango duzu. Bermeoko alde zaharrean dagoen Ertzila dorretxea monumentu nazional gisa aitortuta dago.

Presunto culpable 

Cinco lobitos

Pelikula honen zati handi bat Mundakan filmatu zen. Kostaldeko herri horrek hirigune historiko eder bat du, baina ez da bere erakargarritasun turistiko nagusia. Ezkerraldeko olatuak milaka surflari erakartzen ditu urtero, eta ez da gutxiagorako; izan ere, olatu hori Europako onenetako bat da.

Filma Amaiari (Laia Costa) buruzkoa da, lehenengoz ama izan den eta bere gurasoen etxera itzultzea erabaki duen emakumea.

Akelarre

Akelarrek 1609an sorginkeriagatik epaitu zituzten emakume euskaldun batzuen istorioa kontatzen du. Eszena politenetako bat Lagako hondartzan filmatu zuten. Emakume gazteak harearen gainean korrika ikus ditzakegu. Hondartza hori ikus dezakegu, halaber, "Intimidad" filmean. Laga paregabe egiten duten elementuen artean, Ogoñoko lurmutur zirraragarria dugu, 279 metroko garaiera duena.

Gernika

Film honek –hainbat izendapen izan zituen, besteak beste Goya eta Gaudí sarietarako– Teresaren (Maria Valverde) eta Henriren (James D’Arcy) arteko amodioa kontatzen du, nazien bonbardaketa tragiko betean. Atxondo bailaran ere filmatu zen Koldo Serrak zuzendutako filma. Inguru horri “Suitza txikia” deitzen zaio, bertan dauden paisaia liluragarriengatik.

Oroitzapen zaharrak Durangaldeko paisaietan

El árbol de la sangre

Julio Medem donostiarrak zuzendutako film hau Durangaldeko hainbat tokitan filmatu zuten. Úrsula Corberó protagonista duen film honetan, euskal baserri batera bere sustraiak bilatzera joaten den bikote baten istorioa kontatzen da. Filma Abadiñon hasten da, eta bertan, filmari izena ematen dion zuhaitza ikus daiteke. Eskualde horretan, Ibaizabal eta Urkiola ibaien kolore urdinarekin nahasten da mendietako berdea.

El árbol de la sangre 

Cuando dejes de quererme

Ekoizpen hispaniar-argentinar honen bilbearen zatirik handiena Urkiolako Parke Naturalean garatzen da. Miki Esparbéren pelikula horretan, Laura (Flor Torrente) eta bere aitaorde Fredo (Eduardo Blanco) Euskadira itzultzen dira, bere aita baso batean lurperatuta aurkitu dutela jakitean.