Bizikleta prest jarri ondoren, Nerbioi itsasadarraren ezkerraldea ezagutzeko ibilbide ezin hobea Barakaldoko mineral-kargategi zaharretik abiatzen den eta garai batean industriak okupatutako lurrak zeharkatu ondoren Sestaora iristen den bidea da. Ibilbidea Portugaletera doa, eta han derrigorrezko desbideraketa bat hartu behar da, Bizkaia Zubi ospetsua ikusteko. Traineru herritik Muskizeko La Arena hondartzaraino jarraitzen du. Hareatza erraldoi horretatik, Kantauri aurrean, Muskiz eta Itsaslur lotzen dituen ibilbide zirkularra ere igaro dezakegu. Oraindik meatzaritzaren aztarnak gordetzen dituen bide horretatik, garai batean, meatzari-tren bat zebilen.

Nerbioi ibaiaren eskuinaldean, Bizkaia Zubiaren azpian, XIX. mendearen amaieran eta XX. mendearen hasieran Bizkaiko goi burgesiak eraikitako hiribildu handien pasealekuaren ondotik igarotzen duen ibilbide bat hasten da Getxon. Behin Ereagako hondartza inguratuta bideak Algortako Portu Zahar xarmagarrira iristen da. Ondoren, kirol-portura joaten da eta handik hegazti eta anfibioentzako paradisua den Bolueko hezegunerantz abiatzen da.

Enkarterrik ere bizikleta-bide ugari ditu Bizkaiko mendebaldeko eskualdeko ondare natural eta historikoa ezagutzeko. Kadagua ibaiaren ibilbidea jarraituz La Roblako trenbidearen trazadura zaharretatik (La Quadra, Sodupe, Gueñes eta Zalla), Donejakue Bidearen Iparraldeko Bidearekin bat egiten duen ibilbide honek baserriz eta basoz zipriztindutako paisaietaz, Erdi Aroko Quadrako Salcedo Dorrea bezalako eta ‘indianoek’ eraikitako jauregitxoz, hala nola Urrutia Etxea Arenatza parkean, gozatzeko aukera ematen du. Zallako alde zaharrean Bolumburu parkera doan beste ibilbide bat hasten da. Bertan burdinola zaharra, Santa Ana ermita eta Erdi Aroko etxe-dorrea ikus daitezke. Bizikleta-bideari jarraituz, La Mella-ra iritsiko gara. Han, antzinako Flavibril-Pisoraca bide erromatarrak banatzen dituen Urrutia jauregia eta San Antonio de la Mella ermita ikusiko ditugu.

Lea Artibain egin ahal diren ibilbideen artean Lekeitioko herri marineletik, Bizkaiko kostaldeko arrantza-herri xarmangarrienetako batetik, eskualdearen barrualderaino doan bidea jarraitu dezakegu. Bideak, Lea ibaiaren ibilbidea ibaian gora jarraituz eta bisoi europarraren bizileku diren erriberako landaretza eta zuhaitzen artean, Amoroto zeharkatzen duen antzinako errege-bidea igarotzen du. Ondoren, Gizaburuagan dagoen Bengoleako ferromolina-multzoaren ondotik igarotzen da baso, zelai eta baratze artean Aulestira iritsi aurretik. 

Hiriak ere leku egokiak dira bizikletaz gozatzeko. Bilbon, adibidez, bizikleta elektrikoen 43 mailegu-puntu daude hiri osoan, eta, Bizkaiko hiriburuaren zati handi bat zeharkatzen duten bidegorriekin batera, Botxoaz gozatzeko modurik onena da. Pintxo bat hartzera geldituz indarberritzeko, jakina. Turismoa eta bizikleta lotzeko eta denbora ahalik eta gehien aprobetxatzatzeko beste aukera on bat Bilboko lekurik esanguratsuenetatik, hala nola Zazpi Kaleak, Zabalgunea, Abandoibarra edo Guggenheim Bilbao Museoa, zehar doan tour bat erreserbatzea da. BTTko irteerak ere erreserbatu daitezke parke naturaletatik eta gure mendietako tontorretatik, adrenalina maite dutenen gozamenerako.

Horrez gain, Bilbao Bizkaia osoan zehar, “Bizipuntos” sare zabala aurki daiteke. Gune horiek estrategikoki kokatuta daude txirrindulariek gehien ibiltzen diren lekuetan, eta bizikletak doan eskura edo konpon daitezke. Ohiko mantentze eta konpontze lanak egiteko tresnarik ohikoenak (puzteko sistema eta bizikletak garbitzeko ur hartunea) dituzte.