null Bilbao Bizkaian aniztasuna ospatzen dugu


Bizkaira bazatoz, lurralde tolerantea eta irekia aurkituko duzu, modernotasuna eta tradizio sustraituenak uztartzen dituena, non pertsona guztiak ongi etorriak baitira. Bizkaia, Arku Atlantikoko ‘friendly’ helmuga nagusia, askotarikoa da, eta mundu guztia hartu eta errespetatzen du, maite duzuna edo zure burua nola definitzen duzun kontuan hartu gabe. Hemen zure izaera libreki adierazi egin ahal izango duzu, zure harrotasuna partekatzen dugu.

Bilbo, gure hiriburua, tradizioaren eta abangoardiaren arteko nahasketa horren adibiderik onena da; Bilboko Guggenheim Museo paregabea, Metro Bilbao futurista eta Botxoa - hemengoek horrela esaten diogu - XXI. mendeko arkitekturaren erreferente bihurtu duten eraikinak hiriaren benetako bihotza diren Erdi Aroko Alde Zaharrarekin eta Zazpi Kale ospetsuekin harmonian bizi dira.

Kultur eskaintza zabala eta euskara – gure milaka urteko hizkuntza –, azken modako diseinuak dituzten dendak eta belaunez belaun zerbitzu onena eskaintzen dituzten establezimendu tradizionalak, Zabalguneko dotoretasun klasikoa edo Art Districteko joera alternatiboenak, hiriko parkeak eta ingurune naturala, Martzanaren izaera bohemioa, herri-jaiak, gau-giroa eta kaleen, plazen, tabernen eta giro handia... Ez du axola zer bilatzen duzun, Bilbon aurkituko duzu.

Bikotearekin edo lagun-taldearekin, Bizkaiak hainbat paraje paregabe eskaintzen dizkizu naturan bertan deskonektatzeko eta erlaxatzeko. Barnealdean, Bizkaian ditugun hiru parke naturalak aurkituko dituzu: Armañon, Gorbeia eta Urkiola. Bakoitzak bere izaera du, baita fantasiazko haitzuloetan barneratzeko eta gure kondairetako mitoen artean ibiltzeko bideak ere. Era berean, ezin duzu huts egin: Balmaseda, Durango, Gernika, Urduña eta mendialdeko herri harrigarriak bisitatu behar dituzu, non Bizkaiko historia eta izaera bakarra eraiki baitziren.

Kostaldea ere esploratzeko tokiz beteta dago. Esate baterako, Urdaibaiko Biosferaren Erreserba - itsasoaren eta mendiaren arteko benetako paradisu naturala - bere itsas nortasunari eusten dioten arrantza-portuak, labar zorabiagarriak, itsasoa argiztatzen duten itsasargiak edo Gaztelugatxe, magiaz bezala uretatik ateratzen den uhartetxoa. Eta anitzak, gure hondartzak: familiakoak, nudistak, basatiak, ezkutatuak edo hiritik eskuragarriak, surferako eta uretako kiroletarako bikainak…

Gainera, Bizkaiko edozein herritan, Bilboko edozein auzotan, bereziki Ledesma, Pozas, Alde Zaharra edo Diputazioaren inguruetan, taberna-gune animatuak aurkituko dituzu, non arazo zail bati aurre egin beharko diozu: zein pintxo nahiago duzun. Gure gastronomiako bitxi txiki eta gozo hauen aukera hain da handia, aukeratzea kostatuko baitzaizu. Alde ona da Bizkaian gehien gustatzen zaigun tradizioetako bat ezagutuko duzula, txikiteoa, lagunekin zein bikotearekin tabernetan poteak hartzera joatea, txakolin bat edatea, eta taberna bakoitzean pintxo bat dastatzea, gehien gustatzen zaizuna aukeratzeko eta, nola ez, hautatuaren bigarren txandara batera itzultzeko.

Gastronomia-sorpresak ez dira pintxoekin amaitzen. Bizkaiko edozein jatetxetan betiko lagunduko dizuten platerak eta zaporeak aurkituko dituzu. Tradizionalenak, hala nola marmitakoa edo bakailaoa pil pil eran, sardina-xumeak edo babarrunak putxera batean prestatuak - antzinako trenbideek egiten zuten bezala-, edota sormen-sukaldaritzako adierazpenik altuenak, Michelin izarra duten Bizkaiko jatetxeetan, ezin hobeak zure bikotekidearekin afarian gozatzeko.

Bilbao Bizkaia HARRO

Aniztasun sexu afektiboa eta Bilboko eta Bizkaiko herritarren mundu osoko LGBTIQ pertsonen eskubideen aldeko elkartasuna ospatzeko, ekainaren 25, 26 eta 27an Bilbao Bizkaia HARRO ospatuko da, Bilbo Arku Atlantikoan LGBTQ erreferentea zergatik den 2015az geroztik mundu osoari erakusten duen ekitaldia.

Hiriaren eta lurraldearen aniztasuna ospatzera bideratutako, eta eskubide-berdintasuna eta gure gizartearen izaera irekia modu erakargarri eta solidarioan aldarrikatzeko gizarte-, arte-, kultura-, kirol- eta sentsibilizazio-jarduerez betea dagoen Bilbao Bizkaia HARRO 2021 programa proiektu honen inguruan bildu diren erakunde, boluntariotza, elkarte, komunikabide eta erakunde pribatuen arteko lankidetzatik sortu da, gizarte ireki eta barneratzaile bat eraikitzeko Bizkaian bizi garenon borondatearen erakusgarri.

Programazioa sei gunetan banatzen da, bakoitza bere gaiarekin:

Bilboko Alde Zaharrera sartzeko ateetako batean, Metro Bilbaoko L3 lineako San Nikolaseko Casco Viejo / Zazpikaleak geltokian, gizarte gisa dagozkigun erronkei buruz gogoeta egin ahal izateko LGBTIQ errealitatea erraz hurbilduko dituzten hainbat film laburren proiekzioaz gozatu ahal izango da. Handik hurbil dagoen Areatzako Kaiak berriz, musika-emanaldietarako, transformismorako, antzerkirako eta kulturarako erreferentziazko gunea izango da.

Kirol-jarduerak - GBox, aerodance, aeorextreme eta zumbaren erritmoekin dantzatuko duen LGBTI bandera erraldoi bat - hiriko merkataritza- eta finantza-zentro dotore eta kosmopolitaren ondoan kokatzen den Foru Jauregiaren ondoan eta Areatzako kioskoan egingo dira. Azken honetan, lantegien bitartez etxeko txikienei familia anitzen inguruan naturaltasunez hitz egiteko hezkuntza-gune bat ere antolatuko da.

Euskal kultura eta nortasuna, euskara erreferente dela, Areatzan ospatuko diren ekitaldietan ere izango dira, eta artea, kultura eta historia izango dira Bilbao Bizkaiko LGBTIQ kolektiboaren historia ezagutzeko bisita gidatuetan LGBTIQ errealitatea konplexurik gabeko kontatuko dutenak.

Programazio bikaina Bilbao Bizkaian harrotasunez gozatzeko.

Programazio osoa hemen aurkituko duzue: https://www.bilbaobizkaiapride.com/eu/

Nola mugitu

Kontuan izan behar duzu Alde Zaharrean ezin dela autoa sartu eta erdigunean trafiko mugimendu handia egon ohi dela, beraz, aukerarik onena garraio publikoa erabiltzea da. Bilbok garraio sare ona du, eta metroatranbia, trena (Euskotren eta Renfe) edo autobusa (Bilbobus eta Bizkaibus) erabiliz hiriko edozein ertzetara heldu ahalko zara.