Bilbao Bizkaian itsas ondoan altxatutako gotorleku zaharren inguruan dragoiak hegan egiten ikusi dituzte. Nazioarteko espioi batek Bilboko kaleetan gai batzuk ‘konpondu’ zituela ere kontatzen da. Eta etorkizunean espazio-ontziak titaniozko eraikinen artean hegan egingo dutela diote batzuk.

Bere paisaia ikusgarriei, kaleen izaerari eta kokalekuen erakargarritasunari esker, Bilbao Bizkaia plato ikusgarri bihurtu da. Azken urteotan, ugaritu egin dira filmak, telesailak edo iragarkiak grabatzeko Bilbao Bizkaia funts paregabea erabiltzen duten filmazioak.

Tronu Jokoa (Game of Thrones, 2011-2019)  telesail ospetsuak Gaztelugatxeko Biotopo Babestua aukeratu zuen, Bakio eta Bermeo arteko 241 mailaz lurrarekin lotutako uhartetxo magikoa, Dragonstone gotorlekua kokatzeko. Filmazio-taldea serie arrakastatsuko hainbat eszena filmatzeko Urdaibaiko Biosferaren Erreserbako piratei eta marinelei buruzko legenda eta istorio mitikoz betetako leku honetan lehorreratu zen. Zazpigarren denboraldiaren zati batean, Daenerys Targaryen - bere herensugeekin batera -, Jon Snow, Tyrion Lanister, Missandei, Sir Davos eta Varis gailurreko ermitara iristen diren eskalinatetan eta inguruko labar ikusgarrietan ibili ziren.

Barrikako Muriola hondartza ere Tronu Jokoan agertzen da. Bizkaiko Flyscharen arroken ondoan labar zurien arteko hareatza lasai hori King’s Landing-eko hondartza bihurtu zen egun batzuetan. Handik, Sir Davos Seaworth kontrabandista ohia, Jon Snow zintzoak ona eta Tyrion Lanister zuhurra Zazpi Erresumen hiriburuan sartzen ziren.

James Bond ere bereak egiten aritu zen Bilbon. Mundua inoiz ez da nahikoa (The World Is Not Enough, 1999) filmaren hasierako eszenan 007-rena egiten zuen Pierce Brosnan aktore irlandarra Bilboko Guggenheim Museoaren inguruetan jazarpen ikusgarri baten protagonista izan zen, museoko sarrera babesten duen Puppy 12 metroko altuera eta lorez estalitako txakurkume atseginaren begiradapean inguruko eraikin bateko leihotik jaistea barne. Nola ez, Bond onik atera zen berriro bere ihesaldian, Bizkaiko hiriburuko Salbeko zubian lasai-lasai ibiliz.

Are ikusgarriagoa da Jupiter Ascending (2015) filmean agertzen den etorkizuneko Bilboko irudipena. Matrix trilogiaren sortzaileek Guggenheim Bilbao Museoaren estiloari jarraituz titaniozko eraikin bitxiz betetako etorkizuneko hiri bat irudikatu zuten Itsasadarraren inguruan. Mila Kunis, Channing Tatum eta Sean Bean protagonista dituen filmaren efektu bereziek hiri futurista bihurtu zuten Abandoibarra, Iberdrola dorrea, Zubizuri zubia, Isozaki Atea eta Bilbo osoa.

Bollywoodek ere Frank Gehryk diseinatutako museoaren forma harrigarriak eraman nahi izan ditu bere ekoizpenetara. Indiako ekoizpenen estilo bereziarekin, Guggenheim Bilbao Museoaren inguruak pelikula-agertoki bihurtu ziren berriro. Sivaji: The Boss (2007) superprodukziorako eszena eta koreografia koloretsuak grabatu ziren museoaren eta Euskalduna Jauregiaren kanpoaldean; Anna Bond (2012) filmeko dantzek, berriz, Ama armiarma erraldoiaren ondoko eremua hartu zuten, Salbeko zubiaren azpian.

Beste ekoizpen askok izan dute Bilbo bere bilbeen agertoki. Horixe da Pagafantas (2009) komediaren kasua. Hiri osoan garatzen da: Rodriguez Arias merkataritza-kalea, Zazpi Kaleetako taberna animatuak, Bilboko gaueko giroa eta Bilboko Aireportua, ‘La Paloma’ izenez ezaguna. Edo, berrikiago, 70 Binlandens (2019) thrillerra, - Getxon eta Alonsotegin lokalizazioak ere badituena - edo El Hoyo (2019), Netflix plataformaren errebelazioetako bat.

Ola de crímenes (2018) filmaren ekoizpen-taldea, Maribel Verdú protagonista duen komedia beltza, Bilbon ere ibili zen, Olabarri Jauregian edo Botikazar kalean filmatuz, baita Getxo eta Portugalete arteko Bizkaia Zubian ere. Duela gutxi, Arturo Valls, Ernesto Sevilla eta Julián Lópezek osatutako Descarrilados (2021) taldeak abentura burugabeak izan ditu Lekeitio eta Gorlizeko itsas herrietan eta Bizkaiko hiriburuko Zazpi Kale historikoetan, Karra Elejalde bikainaren parte hartzea duen La vida padre (2022) filmean ere agertoki izan direnak. Jose Mota eta Pepe Viyuelak García y García (2021) filmean osatzen duten bikote zoroa, berriz, Irala auzoko etxe koloretsuetan egon dira grabatzen.

Bilbao Bizkaia filmatu diren beste filma batzuk izan dira, adibidez, Álex de La Iglesia bilbotarraren Acción Mutante (1993) komedia beltz zoroa, Erandion filmatu zena, edo Open Graves (2009), surfa eta izua nahasten dituen filma, Lurraldeko surfaren erreferentzia-leku batzuetan grabatu zuena: Punta Galea , Sopela, Bermeo, Mundaka…

Bizkaia agertoki bezala ere aukeratu zuten, Gernika (2016), foru hiribilduaren bonbardaketari buruzko drama bat, besteak beste, Gernikan bertan eta Barakaldon filmatu zena; Handia (2017), ‘Euskal Erraldoiaren’ historia kontatzen duen 10 Goya jaso dituen zinta, Durango historikoan grabatu zena, Urkiolako Parke Naturalaren magalean; edo Mientras dure  la guerra (2019), Alejandro Amenabarren biografia-filma Miguel de Unamunori buruz, Zeanurin filmatutako eszenekin.

Urkiola eta Anboto mendia izan ziren Julio Medemek zuzendutako sekretuz eta gezurrez betetako El Árbol de la Sangre (2018) dramaren hondoko oihala, eta Otzarretako pagadia eta haren pago motzak Baby (2020) Juanma Bajo Ulloaren thriller fantastikoarenak. Orozkok, Gorbeiako Parke Naturalean bertan ere, eta Gallarta meatze-auzoak, Abanto-Zierbenan, Ilargi Guztiak (2020) filmazioa hartu zuten, Itziar Ituñorekin, ‘ama banpiroaren’ paperean. Bestalde, El Pobaleko Burdinola, Muskizen - oraindik ere burdinolen lanaren zuzeneko erakustaldiak egiten dira bertan -, Errementari (2018) filmaren filmazio-setetako bat izan zen, euskal mitologian oinarritutako fikziozko filma.

Miguel Ángel Muñoz protagonista duen Presunto culpable (2018) seriearen trama Urdaibaiko Biosferaren Erreserbako leku ikusgarrienetako batzuetan garatzen da, hala nola Gaztelugatxe, Gernikako itsasadarra, Mundakako Santa Katalina ermita, Txatxarramendiko uhartea. Bost Goya irabazi zituen Akelarre (2020) filmeko taldeak, berriz, Lagako hondartza aukeratu zuen sorginkeriari buruzko film honetarako.