Bilbao Bizkaia Familiarra
Nahiz eta etorkizunerantz begiratu, Bilbao Bizkaia tradizioetan oso erro sendoak dituen lurraldea da. Azken hamarkadetan bizi izan dugun bilakaerak gure lurraldea tradizioak eta abangoardiak berdintasunean elkarrekin bizi diren tokia bihurtu du.
Hurrengo blogean, familia guztiarentzat ibilbideen aukera bat ekartzen dizugu ez dezazun ezer ere galdu: Bilboko hiri harrigarritik eta inguruko mendietatik hasi eta kostaldeko 150 kilometroak barne.
Euskal kultura barru-barrutik ezagutuko duzu horrela, hirigunetik kostaldera, mendietatik museo eta eraikin nabarmenetara. Haren arkitekturak, paisaiak eta gastronomiak aho bete hortz utziko zaituzte.
Metropolia, kostaldea eta mendia
Bilbao ezagutu
Zazpikaleak, lehenengo Bilbao
Itsasadarraren eskuin ertzean daude Zazpikaleak. Hemen, Bilboren historia biziko duzu, kaleetatik eta eraikin nabarmenetatik ibiliz, besteak beste, Santiagoko Katedrala, Euskal Museoa, Bidebarrietako liburutegia edo Erriberako Merkatua. Labirintoa diruditen kaleetan, pintxo ugari dastatu eta Bilboko tokiko merkataritzaren gertuko arretaz gozatu ahal izango duzu.
Abangoardiako Bilbao
Hurrengo ibilaldia Guggenheim Bilbao Museotik San Mames futbol zelaira doa. Diseinua eta abangoardia, horrela defini dezakegu Abandoibarra. Han kontzentratzen da mende honetako arkitekturaren onena eta askorentzat aire libreko museoa ere bada. Ibilbide honetan zehar, hainbat eraikinekin gozatuko duzu: Guggenheim Museoa, Deustuko Liburutegia edo Bizkaia Aretoa eraikina.
Bidean nabarmentzen da Iberdrola Dorrea, 165 metroko altuerarekin eta, handik gertu dago Doña Casilda Parkea, non Arte Ederren Museoa aurkituko duzun, 7.000 pieza baino gehiagorekin. Museoaren ondoan dago Euskalduna Jauregia. Bukatzeko, San Mamesera iritsiko gara, Athletic Club futbol taldearen zelaia. Esperientzia berezia biziko duzu hango museoan.
Bizkaiko kostako esperientziak
Urdaibai, Biosfera-erreserba
Urdaibai naturaren altxor bar da. 22.000 hektarea baino gehiago ditu eta 22 udalerritara iristen da. UNESCOk Biosfera-erreserba adierazi zuen 1984an. Eta, Urdaibai erdian dugu Gaztelugatxeko San Joan. Hiru arkuko zubia igaro eta 241 mailako eskailera igo beharko duzu munduan bakarra den ermita bat bisitatzeko.
Esperientziak itsasoa atzean duzula
Etxeko txikienek asko gozatuko dute zetazeoak ikusten, hainbat udalerritik abiatuta egin daitekeen ibilbidean, itsas tradizio handikoak guztiak, esaterako Bermeo eta Santurtzi. Piraguismoa ere familian egunaz gozatzeko aukera aparta da, eta Urdaibai zoragarria da horretarako.
Bizkaia nazioko zein nazioarteko surflarientzat surf egiteko toki gogokoenetako bat da. Hondartza ezagunenen artean ditugu Barinatxe, Sopela, Meñakoz Barrikan edo Arena Muskizen, baina kirol honi buruz ari bagara, Mundaka eta haren ezkerreko olatua aipatu behar dugu nahitaez. Herri honek surf mundialeko txapelketa askoren testigu izan da.
Parke Naturalak
Urkiolako Parke Naturala
5.768 hektareatan zehar Anbotoko Mendia eta Mariren kobazuloa aurkituko ditugu, toki liluragarriak. Paisaia malkartsu eta harritsu honetan dago Urkiolako Santutegia eta baita Presazelai pagadia: hemen ikusiko duzu inguruko ikazkinek ikatza egiteko erabiltzen zituzten pagoak.
Armañongo Parke Naturala eta Pozalaguako kobazuloa
Parke honek 200 leize eta simatik gora ditu. Aipagarriena Pozalagua, haren estalaktita eszentrikoengatik. Lurrazpiko ibilbideez eta haren behatoki ikusgarrien bistez gozatu, toki paregabea baita familiarekin ibiltaritzarako.