Jarraian, galdu ezin dituzun 5 plan aurkeztuko dizkizugu.

Bilbao Basque Fest 2024, euskal kulturan barrena

Aste Santuan Bilbo ezagutzeaz gain, euskal kulturan murgildu nahi baduzu, Bilbao Basque Fest 2024 galdu ezin duzun ekitaldia da. Festibala euskal tradizio eta ohiturak ezagutu nahi den edonorentzako da.

Basque Festen programazioa anitza eta zirraragarria da, herri kirolak nabarmentzen direlarik, hala nola, harrijasotzaileek, aizkolariek eta harri-zulatzaileek parte hartzen dute.

Euskal dantzek ekitaldiari dotorezia ematen diote, eta musikak giroa alaitasunez eta umore onez betetzen du. Guzti hau euskal gastronomia onenarekin eta tokiko marken diseinu esklusiboekin uztartzen da. Bilbao Basque Fest festibal bat baino gehiago da, euskal identitate aberatsera irekiriko leiho bat, komunitate sendo horren parte sentiaraziko zaituena.

Familian egiteko planak, Basondo eta Omako basoa

Bilbao Bizkaia leku perfektua da Aste Santuan zehar familiarekin gozatzeko. Bi leku hauek leku ezin hobeak dira: Basondo eta Omako basoa.

Basondo mehatxatutako fauna basatiaren babeslekua da, animali autoktonoak hurbiletik ezagutzeko aukera eta haien kontserbazioaren garrantziaren inguruan kontzientziatzeko aukera eskainiz. Gure lurraldean desagertu diren espezieak aurkituko dituzu eta hurbiletik ikusi ahal izango dituzu. Ez ahaztu argazki-kamera edo prismatiko txiki batzuk, ezer ere ez galtzeko!

Bestalde, Omako basoa, margotutako basoa, naturan aurkitzen den esperientzia artistikoa da. Zuhaitzetako enborren pintura surrealistak, Agustin Ibarrola artista surrealistak sortutakoak, basoa familian ezagutzeko leku magiko bilakatzen dute, heldu zein haurrei irudimena piztuz.

Santurtziko arrain enkantearen antzerkia

Murgil zaitez Bilbao Bizkaiako kostaldeko historian Santurtziko arrain enkantean parte hartuz.

Santurtzi Itsas Museoak antolatzen duen jarduera honek antzinako enkanteen atmosfera birsortzen du. Itsasoko produktuak enkantean ateratzen diren bitarteko emozioa sentitu, kostaldeko komunitatearen iraganera eramango zaituen esperientzia.

Ezagutu txakolinaren sekretuak Bakioko Txakolingune museoan

Aste Santua aukera ezin hobea da txakolinaren mundua ezagutzeko, euskal ardo zuri tipikoa. Bakion, Txakolingune museoan edari honen ezaugarri berdingabeak eta elaborazio prozesu liluragarria ezagutuko dituzu.

Murgil zaitez Bizkaiko ardoaren tradizioan eta dasta ezazu ardo fresko eta gozo hau, haren historia eta kulturari buruz ikasi bitartean.

Balmasedako pasioa, bidai bat denboran zehar

Balmaseda Aste Santuan zehar agertoki bizi bat da, Balmasedako pasioa antzezlana eskaintzen baitute. Herri osoak hartzen du parte antzezlan zirraragarri honetan, non kaleak eta plazak historia erlijiosoaren agertoki bilakatzen diren.

Bizi ezazu komunitatea sustrai sakonak dituen tradizioarekin batzen duen antzezpen honen intentsitate eta debozioa.

Bilbao Bizkaia Aste Santuan zehar ezagutzeko leku zirraragarria da. Esperientzia bakoitzak euskal kulturaren esentziara hurbilduko zaitu, beraz presta zaitez deskubrimenduz beteriko Aste Santurako! Zure zain gaude!