Hona hemen 4 esperientzia paregabe Bilbao Bizkaian pertsona berezi bati oparitzeko eta partekatzeko

Oparitu Bilbao Bizkaia: Opari ezin hobeak egiteko 4 esperientzia

Zetazeoen begiztatzea Portugaleten

Bilbao Bizkaian oparitzeko esperientziarik zirraragarrienetako bat Kantauri itsasoko uretan zetazeoak ikustea da.

Portugaletetik, itsasontziz egindako txangoek aukera emango dizute izurdeak, baleak eta beste itsas espezie batzuk beren habitat naturalean ikusteko. Plan hau primerakoa da ozeanoa eta itsaso zabaleko abentura maite dutenentzat. Gainera, ibilbidean zehar, Bilbao Bizkaiako kostaldean nagusi diren itsaslabarren ikuspegi ikusgarriez gozatzeko aukera izango duzu.

Esperientzia hau honako webgunean aurki dezakezu: www.verballenas.com

Ihes-gela baten zirrara Bilbon

Erronka mentalez eta talde-abenturaz gozatzen dutenentzat, aukera bikaina da Bilbon ihes-gela baterako esperientzia oparitzea.

Hiriko leku askotan gai ezberdinetako jolasak aurki daitezke, eta bertan bikoteek edo lagun taldeek elkarrekin lan egin beharko dute asmakizunak konpontzeko eta denbora amaitu baino lehen ihes egiteko. Detektibeen misterioetatik hasi eta beldurrezko istorioetaraino, askotariko gaiak daude aukeratzeko. Bilatu zurea eta egon prest taldean lan egiteko!

Gau bat Zeanuriko zuhaitzetako etxola batean

Deskonektatzeko esperientzia baten bila bazabiltza, Las Cabañas en los Árboles - Zuhaitz Etxeak, Zeanurin, toki bikaina da naturan egonaldi batez gozatzeko.

Basoaren erdian dauden instalazio zabal horietan, zuhaitzen adaburuetan dauden etxolak aurkituko dituzu, bista benetan ikusgarriekin, baita buhame-gurdi xarmangarri eta bukolikoak ere. Ez ahaztu gosaria zuzenean etxolara eramateko aukera duzula, eta, energia berreskuratu ondoren, gozatu naturan bertan dagoen spa natural batez.

Zuhaitz batean lo egitearen abentura eta ezer falta ez zaion gela baten erosotasuna uztartzen dituen esperientzia da. Bereziki gomendagarria da asteburu desberdin eta erromantiko bat bizi nahi baduzu.

Informazio gehiago: www.cabanasenlosarboles.com

Zaldiz naturan zeharreko ibilbidea

Zaldiak eta natura maite dutenentzat, oparitu ezazu zaldiz ibilbide bat Enkarterriko Bide Berdean barrena.

Ordubete inguruko ibilbide hau antzinako meatze-trenbidetik igarotzen da, mendiz eta paisaia berdez inguratua, eta lasaitasunaz eta edertasunaz gozatzeko aukera ematen du.

Maila guztietara egokitutako esperientzia da, beraz, ez zaitez kezkatu ez bazara inoiz zaldi baten gainean igo. Jantzi arropa erosoa eta prestatu zaldiz ibiltzeko!

Informazio gehiago www.mendianzaldiz.com webgunean.