Bilbao Bizkaian Michelin izarra duten 12 jatetxeak

Aurten ere, gure lurraldeko goi-sukaldaritzak 14 Michelin izar jaso ditu, 12 jatetxetan banatuta. Honako hauek dira aintzatespen gastronomiko gorena lortu duten jatetxeak:

Azurmendi (3 (Michelin izar) - Larrabetzu

Eneko Atxaren Azurmendi jatetxea Larrabetzun dago eta 3 izar dituen gure lurraldeko jatetxe bakarra da. Bere sukaldaritzak gure kultura, ohiturak eta egiteko modua uztartzen ditu, etorkizunari begira. Jatetxearen nahiz Eneko Atxaren beraren oinarrietako bat jasangarritasuna da, eta hori argi eta garbi islatzen da bere sukaldean eta instalazioetan.

Ola Martín Berasategui ((Michelin izar 1) - Bilbao

Martin Berasategui sukaldari ezagunaren jatetxea da, Michelin Gidak gehien saritu duen sukaldarietako bat. Raúl Cabrera sukaldariak zuzentzen du, eta zorrozki mantentzen du Berasateguiren sukaldaritza-sorkuntzen funtsa. Eta jakina, lokala Bilboko itsasadarraren ondoan dago, Zazpikaleetan.

Nerua ((Michelin izar 1) - Bilbao

Guggenheim Bilbao Museoak mota guztietako artelanak hartzen ditu barne, besteak beste, Nerua, Michelin izarra duten Bizkaiko jatetxeetako bat. Josean Alijak zuzendutako jatetxe honetan naturak finkatzen du sukaldeko erritmoa. Tokiko sukaldaritza-esperientzia berritzaile bat da, eta bertan gure inguruko baratzeak, itsasoa eta baserriak dira protagonistak.

Atelier Etxanobe ((Michelin izar 1) - Bilbao

Fernando Canalesek eta Mikel Poblaciónek goi-mailako sukaldaritza erabiltzen dute adierazpide gisa, eta mota guztietako sukaldaritza-sorkuntzak egiten dituzte esperientzia ahaztezin bat lortzeko. Bere arrakasta euskal sukaldaritza tradizionalaren eta azken aurrerapen teknologikoen arteko fusio perfektuan oinarritzen da. Jatetxea Bilbon dago, antzinako beirate-fabrika batean.

Eneko ((Michelin izar 1) - Larrabetzu

Azurmendi jatetxeaz gain, bere beste jatetxeetako batean ere saritu dute Eneko Atxaren lana, Enekon, hain zuzen ere. Oraingoan, sukaldariak dastatze-menu bakar bat eskaintzen digu, “Sutan” izenekoa, zertxobait merkeagoa den baina Eneko Atxaren sinadura duen sukaldaritza bilatzen dutenentzat pentsatua. Azurmendi eta Eneko jatetxeak Larrabetzun daude, bata bestearen ondoan.

Mina ((Michelin izar 1) - Bilbao

Erriberako Merkatuaren eta San Anton zubiaren ondoan, hau da, Bilboren bihotzean bertan, Álvaro Garrido sukaldariak zuzentzen ditu Mina jatetxeko suak. Sukaldean tokiko eta garaiko produktuak erabiltzea da bere araua, eta zapore eta kalitate handiko platerak lortzen ditu horrela.

Boroa Jatetxea ((Michelin izar 1) - Boroa

Ez dago benetako euskal sukaldaritza tradizionalaz gozatzeko leku hobeagorik: XV. mendeko baserri bat. Horixe da, hain zuzen ere, Boroa jatetxeak eskaintzen diguna: gure sukaldaritzako su tradizionaletan egindako goi-mailako bidaia gastronomiko bat. Jatetxeak Zornotzako auzoari zor dio bere izena, bertan baitago kokatuta, Boroan.

Etxebarri Erretegia ((Michelin izar 1) - Axpe

Euskal sukaldaritza tradizionalaren –eta munduko sukaldaritzaren– beste erreferenteetako bat Etxebarri Erretegia da. Axpen dago, naturaz inguratutako inguru paregabe batean, Anboto mendiaren magalean. Bittor Arginzoniz sukaldaria arduratzen da sukaldeko txingarrak bizirik mantentzeaz eta osagai onenak erabiliz jakiak parrillan prestatzeaz. Etxebarri munduko erretegi onenetako bat da.

Zortziko ((Michelin izar 1) - Bilbao

1989tik, Daniel García sukaldariaren sukaldean, Bilboko Mazarredo kalean, hurbileko produktuak eta jakiak prestatzeko teknikak dira eta izan dira protagonista. Jatetxeko dekorazioak bertan egiten diren platerei buruzko pistak ematen dizkigu, tradizionalak eta berritzaileak aldi berean.

Andra Mari ((Michelin izar 1) - Galdakao

Gastronomia kultura da, eta horixe antzematen da Galdakaoko jatetxe honetan sartzen zarenean. Jatetxea euskal kulturan girotutako baserri zoragarri batean dago. Bertan, sukaldaritza tradizionalak bizitza hartu eta elementu berritzaileenekin bat egiten du.

Zarate ((Michelin izar 1) - Bilbao

Euskal herriaren eta itsasoaren arteko harremana Sergio Ortiz de Zarateren sukaldean gauzatzen da, Bilbon. Bere eskaintzaren oinarria kalitate goreneko itsas produktuak dira, tokiko portu nagusietatik hornitzen direnak. Proposamen gastronomiko berritzailea eta abangoardista, mokofinek gogoko dutena bezalakoa.

Garena ((Michelin izar 1) - Dima

Mahastiz inguratutako XVII. mendeko baserri bat, Diman, Urkiolako eta Gorbeiako parke naturalen artean: Garena jatetxea euskal errezeta tradizionaletan oinarritutako proposamen gastronomikoa dastatzeko leku ezin hobea da. Julen Baz sukaldariak baserriko antzinako sukaldaritzan sustraituta dagoen eta etorkizunera begira dagoen sukaldaritza-proposamen bat eskaintzen digu.