Frantziako Tourraren eskutik, Bilbo Bizkaiak 18 Tour Egun egingo ditu lurraldeko beste hainbeste udalerritan, bizikletaren erabilera sustatzeko eta gure lurraldean egingo diren lasterketaren bi etapen zirrara aurreratzeko.

Bere ibilaldia abuztuaren 7an Lekeition hasi eta gero, eta 2023ko ekainera arte, hainbat asteburutan izango da ekitaldi hau Arenan (Muskiz eta Zierbena), Sopelan, Mungian, Zallan, Zornotzan, Leioan, Galdakaon, Santurtzin, Durangon, Basaurin, Getxon, Bilbon, Barakaldon, Gernikan, Markinan-Xemeinen, Ermuan eta, azkenik, Igorren.

Udalerri bakoitzean, hainbat jarduera egingo dira Tour Eguna ospatzeko. 'Tourreko tailerrak' izeneko eremuak hezkuntza-gela bat izango du, 14 urte bitarteko haurrentzako jolasen bidez eta Maxooren eskutik - Tourreko maskota ofiziala -, txirrindularitzan, bizikletaren ezagutzan eta oinarrizko arauetan arituko dena.

Bide-segurtasuneko gela bat ere egongo da. Bertan, modu seguruan bizikletan ibiltzen ikasiko dute, jokoen bidez arauak ezagutzen, ekipamendu egokia erabiltzen eta bizikletaz ibiltzean portaera egokia izaten.

Horrez gain, Tour Egunak tailer-gune bat izango du, bizikleta mantentzeko eta konpontzeko oinarrizko ezagutzak eta lapurretak saihesteko babesa ikasteko; bizikletak aukeratzeko eta probatzeko gune bat, pertsona espezializatu batek erabiltzaile bakoitzarentzat egokiena den bizikletari eta tamainari buruzko aholkuak emango dituena, eta hainbat motatako zalantzak argituko dituena: hiriko bizikletak, errepideko bizikletak, tolesgarriak, elektrikoak...

Halaber,bestr gune bat ere izango da txirrindularitza eta mugikortasun jasangarria sustatzen dituzten tokiko klub eta txirrindularientzat. Gune horien ondoan, praktika-eremu bat jarriko da, bi pista izango dituena: hastapen-pista bat, 2 eta 10 urte bitarteko haurrak bizikleta erabiltzen ohitzeko adituek gainbegiratua, eta pump track pista bat, txirrindularitzan hasita dauden 6 eta 14 urte bitarteko gazteentzat egokitua.

Era berean, erakusketa-eremu bat zabalduko da, Frantziako Tourraren historiari eta Bizkaiak Tourrean izan duen historiari buruzko erakusketekin, Vicente Blancok 1910eko edizioan izandako parte-hartzeari hasi zena.

Ikus itzazu datak hemen!