Txapela kentzeko modukoa!

Ehungintza jarduerak 1992an bukatu ziren, eta 100 urtez lanean egon arren, makinak (gehienak ingeles jatorrikoak) eta produkzio lerroa bere horretan daude. Izan ere, zuzen-zuzenean ezagutu ahalko duzu fabrikazio prozesua: lehengaien heltzea, irutea eta jantzigintza, eta ondorengo paketatzea eta bidaltzea.

Ehungintza jarduerak 1992an bukatu ziren, eta 100 urtez lanean egon arren, makinak (gehienak ingeles jatorrikoak) eta produkzio lerroa bere horretan daude. Izan ere, zuzen-zuzenean ezagutu ahalko duzu fabrikazio prozesua: lehengaien heltzea, irutea eta jantzigintza, eta ondorengo paketatzea eta bidaltzea. Txapelak produktu nagusia izan baziren ere, bestelakoak ere fabrikatzen ziren, hala nola, oihalak, bufandak, galtzerdiak, matazak, buru-berokiak eta tapakiak.

Ondare Industrialaren Sare Europarrak (ERIH) “Anchor Point” izena eman dio La Encartadari, beraz, argi dago ez dela museo soila. Ez ezazue itxaron fabrika ohiko bat aurkitzea. La Encartada bisitatuz denboran atzera egingo duzu salto, antzinako bizimodura. Etxebizitzen blokea, zuzendariaren bulegoak, Etxe Barria eta, noski, Kadagua ibaiaren presa, ingurune zoragarrian.

Museoak programa kultural oparo eta anitza eskaintzen du, urtean zehar egiten diren ekintzez, tailerrez eta ikastaroz beteta. Esaterako, maiatzaren bukaeran eta ekainaren hasieran La Encartada Modak du leku, diseinatzaile eta artisten hitzordu ezin galduzkoa.

Gomendioak:

La Encartada Fabrika-Museoak ekintza ezberdinak dituela kontuan izanez, museoa bisitatu haurretik webgunean edo Facebookean agenda kontsultatzea gomendatzen dizugu.

Gastronomia

Non jan

Puntu honetara helduta ziur badakizula Bizkaiko txoko guztietan janaria maite dugula. Enkarterriak bisitatzen badituzu, bekatua da putxera dastatu gabe joatea, indabaz, urdaiez, txorizoz eta odolostez eginiko eltzekoa. Museotik gertu jatetxe pare bat daude, eta Balmasedan pilo aurkituko dituzu.

Ostatua

Non lo egin

Egia esan, zaila da eskualdeko lasaitasunean egon ondoren hirira bueltatzea. Horregatik, Enkarterrietan lo egin nahi baduzu, jakin ezazu hotel eta landa-etxe ugari dituzula eskuragarri.

  • Zer ikusi:

    1. Balmaseda hiribildua
    2. Indianoen etxeak Concha auzoan (Karrantza)

    Informazioa

    • Ordutegia

      Azarotik apirilera:

      • Asteartetik igandetara: 10:00 – 14:00

      Maiatzatik urrira eta Aste Santuan:

      • Asteartetik larunbatera: 10:00 – 14:00 eta 16:00 – 19:00
      • Igandetan: 10:00 – 14:00

      Itxita urtarrilaren 1ean eta 6an eta abenduaren 25ean

    • Prezioa

      Orokorra: 5,50 €

      Murriztua: 3,50 € (26 urtetik beherakoak, 60 urtetik gorakoak, ahalmen urrikoak, langabeak, erretirodunak, familia ugariak eta 10 lagunetik gorako taldeak

      Doakoa: 12 urte artekoak, irakasleak, gidariak eta prentsakoak egiaztatuta, MNE (maiatzak 18), Museoaren eguna (ostirala), Nagusitxartela, ICOM txartela eta herriko jaieguna (urriak 23)

    • Kokapena

      Peñueco auzoa, 11

      48800 Balmaseda