Bilboko alde naturalena!

Natura Bilboko bihotzean

Bilboko Inguruko Berdeguneak, edo Bilboko Ibilbide Luzeak (GR 228), ibilbide ezberdin ugari eskaintzeaz gain, panoramika onenak disfrutatzeko aukera ere emango dizue. Era berean, eta bere izaera zirkularrari esker, Bilboko auzo edo barruti ezberdinetatik heltzea benetan erraza da. Etapak txandaka egiteko eta disfrutatzeko, baita berdeguneetan eta atseden hartzeko lekuetan gozatzeko, aukera dago. Toki hauek umeen jolasetarako, lagunekin barbakoa bat egiteko edo soilik bistekin atsegin hartzeko antolatuta daude.

Bilboko Inguruko Berdeguneak 10 ibilbide ezberdin eskaintzen dizkigu, guztiak errazak, luzera ertainekoak eta aldapa gutxikoak. Labur esanda, publiko guztientzako egokiak diren bide erosoak. Arraiz Mendiko edo Pagasarriko gailurrak irabazi eta informazio panel anitzei esker udalerriaren hamaika bitxikeria ezagutuko ahal izango dituzue. Donejakue Bidea egiten duten erromesekin ere topo egin ahal izango duzue, Iparraldeko Bideak Iturritxualde, Monte Avril eta Kobetamendi zeharkatzen baitu.

Hala ere, etapa ezagunenak Deustu auzotik eta Boluetatik irteten diren 1 (Deustu - Monte Avril - Bolueta) eta 2 (Bolueta - Pagasarri - Deustu) etapak dira. Guztira 38 km dituen ibilbide atsegin honek Artxanda Mendiko mendi-hegalak zeharkatzera eramango zaituzte, funikularraren burdinbideen azpitik igarotzen, baita Pagasarriko mendi tontorrera ere, Nerbioi ibai ertzetik lasai ibili ondoren.

Ez izan hurbiltzeko eta Bilboko alde naturalena, udalerriaren historia, bere gailurrak eta hainbat bitxikeria ezagutzeko zalantzarik. Zuen zain gaude!

Kobetamendi